“O‘zbekkonsert” davlat muassasasida 1-sentabr, chorshanba kuni o‘zbek san’ati va madaniyatining marhum fidoyilarining yaqinlariga Prezident Shavkat Mirziyoyev farmoniga asosan, davlat mukofotlari topshirildi. Bu haqda “Daryo” muxbiri xabar bermoqda.

Foto: Madaniyat vazirligi axborot xizmati

Taqdirlash marosimida madaniyat vaziri Ozodbek Nazarbekov nutq so‘zlarkan, xususan shunday dedi:

“Marhum ijodkorlarning hayotlik davrida qilgan mehnatlari, yaratgan obrazlari va qo‘shiqlari, ijod namunalari xalqimizning qalbida abadiy yashaydi. Ular tirikligidayoq o‘zlariga haykal qo‘yishga ulgurgan edi. Bugun ularning nomi qayerda tilga olinmasin, san’atsevar odamlar, albatta, yaxshi so‘zlar bilan eslaydi.

Foto: Madaniyat vazirligi axborot xizmati

Bu yil yurtimizda birinchi marta davlatimiz rahbari tashabbusi bilan marhum san’atkorlarning yillar davomida qilgan mehnatlarini e’tirof etib, yaqinlariga mukofotlarni topshirish yo‘lga qo‘yildi. Ushbu jarayon an’anaga aylanishi, har yili ko‘plab marhum san’at va madaniyat vakillarini eslash hamda taqdirlash rejalashtirilgan.

Marhumlarning mehnati vafotidan keyin ham davlatimiz tomonidan e’tirof etilib, qadrlanishi, avvalo, ularning oila a’zolarini quvontiradi, faxr tuyg‘usini uyg‘otadi, deb o‘ylayman. Olamdan o‘tgan barcha san’atkorlarning oxirati obod bo‘lsin!”.

O‘zbekistonda xizmat ko‘rsatgan artist Fathulla Ma’sudov uchun “Fidokorona xizmatlari uchun” ordeni turmush o‘rtog‘i Gulira’no Ma’sudovaga topshirildi.

Foto: Madaniyat vazirligi axborot xizmati

O‘zbekistonda xizmat ko‘rsatgan artist Fathulla Ma’sudovning turmush o‘rtog‘i va o‘g‘li

Foto: Madaniyat vazirligi axborot xizmati

O‘zbekiston xalq artisti Dilbar Ikromova uchun “Fidokorona xizmatlari uchun” ordeni o‘g‘li Murodjon Ikromovga topshirildi.

Foto: Madaniyat vazirligi axborot xizmati

Shuningdek, O‘zbekiston xalq artisti Husan Sharipov uchun “Fidokorona xizmatlari uchun” ordeni o‘g‘li Davron Sharipovga topshirildi.

O‘zbekistonda xizmat ko‘rsatgan artist Abdurayim Abduvahobov uchun “Mehnat shuhrati” ordeni qizi Dildora Soliyevaga topshirildi.

Foto: Madaniyat vazirligi axborot xizmati

O‘zbekistonda xizmat ko‘rsatgan artist Abdurayim Abduvahobovning qizi va o‘g‘li.

Foto: Madaniyat vazirligi axborot xizmati

O‘zbekistonda xizmat ko‘rsatgan artist Ikromjon Bo‘ronov uchun “Mehnat shuhrati” ordeni qizi Durdona Ortiqovaga topshirildi.

Foto: Madaniyat vazirligi axborot xizmati

O‘zbekistonda xizmat ko‘rsatgan artist Dilnura Qodirjonova uchun “Mehnat shuhrati” ordeni qizi Diyora Tojiboyevaga topshirildi.

Foto: Madaniyat vazirligi axborot xizmati

O‘zbekistonda xizmat ko‘rsatgan artist Hojiboy Tojiboyev uchun “Mehnat shuhrati” ordeni qizi Intizor Tojiboyevaga topshirildi.

Foto: Madaniyat vazirligi axborot xizmati

O‘zbekistonda xizmat ko‘rsatgan artist Hojiboy Tojiboyevning qizlari.

Foto: Madaniyat vazirligi axborot xizmati

Shuningdek, O‘zbekiston mustaqilligini mustahkamlash, xalq ma’naviyatini yuksaltirish ishlariga qo‘shgan munosib hissasi, serqirra ijodi bilan o‘zbek san’ati va madaniyatini rivojlantirishga hissa qo‘shib kelayotgan ijodkorlar ham mukofotlandi.

O‘zbekiston davlat konservatoriyasi professori Orzu Azimovaga “Mehnat shuhrati” ordeni topshirildi.

Foto: Madaniyat vazirligi axborot xizmati

“O‘zbekkonsert” davlat muassasasi xonandasi Go‘zal Jumaniyozova (Dilso‘z)ga “Shuhrat” medali topshirildi.

Foto: Madaniyat vazirligi axborot xizmati

Foto: Madaniyat vazirligi axborot xizmati