Словениялик мутахассис Сречко Катанец Ўзбекистон миллий терма жамоасига бош мураббий этиб тайинланди. Бу ҳақда ЎФА матбуот хизмати маълум қилди.
Катанец билан 2025 йилга қадар мўлжалланган шартнома имзоланган. Катанец билан бирга мураббийлар штабида яна беш нафар хорижлик мутахассис иш олиб боради.
- Бош мураббий: Сречко Катанец
- Ёрдамчи мураббийлар: Алеш Чех ва Владо Радманович
- Жисмоний тайёргарликка жавобгар мураббий: Мартин Магистер
- Дарвозабонлар мураббийи: Ниҳад Пейкович
- Физиотерапевт: Иан Катанец.
Маълумот учун, Катанец фаолияти мобайнида Словения, БАА, Македония, Ироқ терма жамоалари ва «Олимпиакос» клубини бошқарган. Унинг сўнгги иш жойи Ироқ терма жамоаси бўлди, унинг ироқликлар билан ҳамкорликни тўхтатишига маошларининг тўланмагани сабаб бўлди. Катанецнинг мураббий сифатидаги энг яхши натижаси Словения терма жамоасини 2000 йилги Европа чемпионати ва 2000 йилги Жаҳон Чемпионатига олиб чиққани бўлган.
Қайд этиш ўринли, Сречко Ўзбекистон терма жамоасини бошқарадиган биринчи хорижлик мураббий эмас. Бунгача Убиражара да Сильва (Бразилия), Ҳанс-Юрген Гёде (Германия), Роберт Ҳафтон (Англия), Валерий Непомняшчий (Россия), Эктор Купер (Аргентина) каби бир қатор хорижлик мутахассислар миллий жамоага устозлик қилган.
Изоҳ (0)