Deniel Kreyg “Qinidan chiqqan pichoqlar” nomli detektiv film va uning kelajakda taqdim etiladigan ikkita sikvelidagi roli sabab Gollivudning eng ko‘p maosh to‘lanadigan aktyoriga aylandi, deb xabar beradi Esquire.
Ma’lumotlarga ko‘ra, bondiana yulduzi “Qinidan chiqqan pichoqlar” filmining davomida suratga tushish uchun Netflix’dan kamida 100 million dollar oladi. Bu kabi katta mablag‘ning to‘lanishi striming servis aktyor ushbu kartinalar faqat kinoteatrlarda chiqqanida ishlab topadigan pulini kompensatsiya qilishi bilan izohlanmoqda.
Variety’ning yozishicha, 1990-yillar oxiridan buyon kinoprokatga chiqarish rejalashtirilayotgan filmlardagi bosh rol uchun to‘lanadigan gonorarlar 20 million dollarni tashkil etadi. Biroq bu taxminiy narx bo‘lib, bir loyihadan boshqasiga o‘tilganida farq qilishi mumkin. Masalan, “Betmen”dagi roli uchun Robert Pattinson 3 million dollar olsa, “Qizil xabarnoma” nomli jangari filmdagi roli uchun Dueyn Jonsonga 30—50 million dollar to‘lanadi.
Variety versiyasi bo‘yicha eng ko‘p gonorar oladigan Gollivud aktyorlari:
- Deniel Kreyg — 100 million dollar (“Qinidan chiqqan pichoqlar” sikvellari);
- Dueyn Jonson — 50 million dollar (“Qizil xabarnoma”);
- Uill Smit — 40 million dollar (“Qirol Richard”);
- Denzel Vashington — 40 million dollar (“Tafsilotlardagi iblis”);
- Leonardo DiKaprio — 30 million dollar (“Tepaga qarama”);
- Mark Uolberg — 30 million dollar (“Spenser adolati”);
- Jennifer Lourens — 25 million dollar (“Tepaga qarama”);
- Juliya Roberts — 25 million dollar (“Dunyoni ortda qoldir”);
- Sandra Ballok — 20 million dollar (“D nomli yo‘qolgan shahar”);
- Rayan Gosling — 20 million dollar (“Kulrang inson”);
- Kris Xemsvort — 20 million dollar (“Tor 4: Sevgi va yashin”);
- Bred Pitt — 20 million dollar (“Tezyurar poyezd”);
- Maykl B. Jordan — 15 million dollar (“Shafqatsiz”);
- Tom Kruz — 13 million dollar (“Top Gan: Meverik”);
- Kianu Rivz — 12—14 million dollar (“Matritsa-4”);
- Kris Payn — 11,5 million dollar (“Yer osti va ajdarlar”);
- Robert Pattinson — 3million dollar (“Betmen”).
Shu sababli “Xudkushlar ro‘yxati” serialining har bir qismidagi roli uchun Kris Prett 1,4 million dollar oladi. Eng kap gonorarlarni — 300—350 ming dollarni — Jeremi Strong, Kiran Kalkin va Sara Snuk olishi ma’lum bo‘lgan.
Reyting mualliflarining ta’kidlashicha, ro‘yxatdagi ayrim gonorarlar prodyuserlarga to‘lanadigan pullarni ham o‘z ichiga oladi.
Izoh (0)