“Odamlarga chaqiriq tashlash menga yoqardi”. Mudhish hodisa sabab halok bo‘lgan basketbol afsonasi Kobi Brayantni xotirlab

Ishtiyoqi baland va hayotni sevadigan Kobi Brayant bu dunyoni erta tark etganiga ishonish qiyin. 41 yoshli sportchi uchun hayot endi boshlanayotgandi. Buyuk faoliyat ortda qolgan, oldinda esa basketbol rivojiga hissa qo‘shadigan paytlar turgandi. Afsuski, buning endi iloji yo‘q. Kobi Brayant 2020-yil 26-yanvar kuni aviahalokatga uchrab vafot etdi. U tirik bo‘lganda bugun 43 yoshga to‘lgan bo‘lardi.

“Qora Mamba” qanday qilib basketbolga muhabbat qo‘ygani va o‘ziga, raqiblariga qanday chaqiruv tashlaganiga nazar solamiz.

Bolaligimda basketbol to‘pini ilk bor ushlaganim yodimda. To‘pni kaftlarim bilan sezish qandaydir boshqa hislarni uyg‘otgandi. Uni shunchalik yoqtirib qolganimdan yerga urish va halqaga tashlashni xohlamasdim. Bu orqali unga shikast yetadi deb o‘ylardim. To‘p ohangini yaxshi ko‘rardim. Uni yerga urganda “tap, tap, tap” degan ovozi juda yoqimli edi. Toza va aniq. Ta’riflab bo‘lmaydi. Hayot va yorug‘lik ovozi.

Bu menga to‘p va o‘yindagi eng yoqqan elementlar. Aynan ular meni faqatgina orzu qilish mumkin bo‘lgan basketbol cho‘qqisiga yetakladi. Barchasi bolaligimda hayratlangan “tap, tap, tap” ovozi tufayli.

Bu yillar davomida mening yetakchilik mentalitetimda o‘zgarish bo‘lmadi deb ayta olmayman. Menga odamlarga yangi chaqiriqlar tashlash va ular oldiga qiyin sinovlarni qo‘yish yoqardi. Mana nima insonni o‘z-o‘zini tahlil qilishga olib boradi, shaxsiy rivojlanish shu tufayli kelib chiqadi. Aytishim mumkinki, men odamlarning o‘z imkoniyatlaridan maksimum foydalanishga undardim.

Kobi Brayant

Brayant jamoatchilik nazarida bo‘lmaslik uchungina emas, Jeyms bu lahzalardan zavqlanishi uchun arenaga borishdan bosh tortgandi.

Kobi Brayant shunaqa inson bo‘lgan. Keling, uning faoliyatidagi eng yorqin lahzalarni yodga olamiz.