Futbol bo‘yicha Ispaniya La Ligasining 2-turidan o‘rin olgan bir qator uchrashuvlar 22-avgust, yakshanba kuni bo‘lib o‘tdi.
Madridning “Real” klubi “Levante” maydonida mehmon bo‘ldi. Uchrashuvning 5-daqiqasidayoq Garet Beyl mehmonlarni oldinga olib chiqdi. Bunga maydon egalari ikkinchi bo‘lim boshida Roxer Marti va Xose Kampanyaning gollari bilan javob qildi.
73-daqiqada Vinisius Junior raqib darvozaboni bilan birga-bir vaziyatga chiqib bordi va aniq zarbasi bilan hisobni tenglashtirdi. 79-daqiqada “Levante” futbolchilari yana oldinga o‘tib oldi. 85-daqiqada Vinisius Karim Benzemaning uzatmasini golga aylantirdi. Qolgan vaqtda hisob o‘zgarmadi va “Real” ikkinchi turga kelib ochko yo‘qotdi.
“Atletiko” o‘z uyida “Elche”ni qabul qildi va Anxel Korreaning yagona goli evaziga g‘alaba qozondi.
La Liga
2-tur bahslari
22-avgust, yakshanba
“Levante” — “Real Madrid” 3:3
Gollar: 0:1 – 5 Beyl, 1:1 – 46 Roxer Marti, 2:1 – 57 Kampanya, 2:2 – 73 Vinisius Junior, 3:2 – 79 Rober, 3:3 – 85 Vinisius Junior.“Levante”: Fernandes, Miramon, Vezu, Rober, Klerk, Kampanya (Bardi, 78), Radoya, Melero (Martines, 66), Morales (Kantero, 79), Roxer Marti (Malsa, 67), De Frutos (Enrik Frankesa, 86).
“Real Madrid”: Kurtua, Nacho, Militao, Alaba, Isko (Asensio, 59), Kazemiro, Valverde (Yovich, 82), Vaskes (Karvaxal, 65), Benzema, Beyl (Rodrigo, 59), Azar (Vinisius Junior, 59).
Ogohlantirishlar: Klerk (28), Melero (41), Kampanya (58), Militao (58), Rodrigo (90+4).
Chetlatish: Fernandes (87).
“Atletiko” — “Elche” 1:0
Gol: 1:0 – 39 Korrea.“Atletiko”: Oblak, Savich, Kondogbia, Ximenes, Lyorente, Saul, Koke, de Paul (Trippyer, 62), Lemar (Suares, 62), Karrasko, Korrea (Lodi, 85).
“Elche”: Kasilya, Palasios, Bigas (Diyego Gonsales, 86), Roko, Verdu, Moxika (Xosan, 82), Markone (Karrilyo, 82), Fidel, Guti, Milya (Benedetto, 63), Boye (Morente, 82).
Ogohlantirishlar: Verdu (65), Benedetto (87), Suares (90), Kondogbia (90).
Izoh (0)