Variety Дэниэл Крейгни Голливудда энг кўп маош оладиган актёр деб атаб, бошқа киноюлдузлар гонорарини эълон қилди

Дэниэл Крейг «Қинидан чиққан пичоқлар» номли детектив фильм ва унинг келажакда тақдим этиладиган иккита сиквелидаги роли сабаб Голливуднинг энг кўп маош тўланадиган актёрига айланди, деб хабар беради Esquire.

Маълумотларга кўра, бондиана юлдузи «Қинидан чиққан пичоқлар» фильмининг давомида суратга тушиш учун Netflix’дан камида 100 миллион доллар олади. Бу каби катта маблағнинг тўланиши стриминг сервис актёр ушбу картиналар фақат кинотеатрларда чиққанида ишлаб топадиган пулини компенсация қилиши билан изоҳланмоқда.

Variety’нинг ёзишича, 1990 йиллар охиридан буён кинопрокатга чиқариш режалаштирилаётган фильмлардаги бош роль учун тўланадиган гонорарлар 20 миллион долларни ташкил этади. Бироқ бу тахминий нарх бўлиб, бир лойиҳадан бошқасига ўтилганида фарқ қилиши мумкин. Масалан, «Бэтмен»даги роли учун Роберт Паттинсон 3 миллион доллар олса, «Қизил хабарнома» номли жангари фильмдаги роли учун Дуэйн Жонсонга 30—50 миллион доллар тўланади.

Variety версияси бўйича энг кўп гонорар оладиган Голливуд актёрлари:

• Дэниэл Крейг — 100 миллион доллар («Қинидан чиққан пичоқлар» сиквеллари);
• Дуэйн Жонсон — 50 миллион доллар («Қизил хабарнома»);
• Уилл Смит — 40 миллион доллар («Қирол Ричард»);
• Дензел Вашингтон — 40 миллион доллар («Тафсилотлардаги иблис»);
• Леонардо Ди Каприо — 30 миллион доллар («Тепага қарама»);
• Марк Уолберг — 30 миллион доллар («Спенсер адолати»);
• Женнифер Лоуренс — 25 миллион доллар («Тепага қарама»);
• Жулия Робертс — 25 миллион доллар («Дунёни ортда қолдир»);
• Сандра Баллок — 20 миллион доллар («Д номли йўқолган шаҳар»);
• Райан Гослинг — 20 миллион доллар («Кул ранг инсон»);
• Крис Хемсворт — 20 миллион доллар («Тор 4: Севги ва яшин»);
• Брэд Питт — 20 миллион доллар («Тезюрар поезд»);
• Майкл Б. Жордан — 15 миллион доллар («Шафқатсиз»);
• Том Круз — 13 миллион доллар («Топ Ган: Меверик»);
• Киану Ривз — 12—14 миллион доллар («Матрица-4»);
• Крис Пайн — 11,5 миллион доллар («Ер ости ва аждарлар»);
• Роберт Паттинсон — 3миллион доллар («Бэтмен»).

Шу сабабли «Худкушлар рўйхати» сериалининг ҳар бир қисмидаги роли учун Крис Претт 1,4 миллион доллар олади. Энг кап гонорарларни — 300—350 минг долларни — Жереми Стронг, Киран Калкин ва Сара Снук олиши маълум бўлган.

Рейтинг муаллифларининг таъкидлашича, рўйхатдаги айрим гонорарлар продюсерларга тўланадиган пулларни ҳам ўз ичига олади.