Bugun,

  • USD 11095.31
  • RUB 173.84
  • EUR 10772.44

2021-yilning 17-avgust kuni Toshkent shahrida nufuzli xalqaro fan olimpiadalari g‘oliblari va ularning o‘qituvchilarini taqdirlash marosimi bo‘lib o‘tdi. Bu haqda “Daryo” muxbiri xabar bermoqda.

Foto: Xalq ta’limi vazirligi axborot xizmati

Foto: Xalq ta’limi vazirligi axborot xizmati

Ta’kidlanishicha, 2021-yilning iyul—avgust oylarida nufuzli xalqaro fan olimpiadalarida o‘zbekistonlik yoshlar tomonidan jami 10 ta (2020-yilda 6 ta) medal, xususan, 25-iyul — 2-avgust kunlari Yaponiyada o‘tkazilgan 53-Xalqaro kimyo olimpiadasida 1 ta oltin va 3 ta bronza, 14—24-iyul kunlari Rossiya mezbonlik qilgan 62-Xalqaro matematika olimpiadasida 1 ta kumush va 1 ta bronza, 18—23-iyul kunlari Portugaliyada bo‘lib o‘tgan 32-Xalqaro biologiya olimpiadasida 2 ta oltin va 1 ta kumush, 17—24-iyul kunlari Litvada o‘tkazilgan 51-Xalqaro fizika olimpiadasida bitta bronza medallari qo‘lga kiritildi.

Foto: Xalq ta’limi vazirligi axborot xizmati

Foto: Xalq ta’limi vazirligi axborot xizmati

“Davlat rahbarining 2019-yil 3-maydagi ‘Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida’gi qaroriga muvofiq fan olimpiadalari g‘oliblarini rag‘batlantirishning yangi tizimi joriy etildi.

Mazkur qarorga ko‘ra, dunyoda tan olingan matematika (IMO), fizika (IphO), kimyo (IChO), biologiya (IBO) va informatika (IOI) xalqaro nufuzli fan olimpiadalarida g‘oliblikni qo‘lga kiritgan o‘quvchilar va ularning o‘qituvchilari bir martalik pul mukofotlari bilan taqdirlanadi. Shuningdek, ular oliy ta’lim muassasalariga imtihonsiz imtiyozli ravishda qabul qilinadi”, — dedi xalq ta’limi vaziri Sherzod Shermatov.

Foto: Xalq ta’limi vazirligi axborot xizmati

Foto: Xalq ta’limi vazirligi axborot xizmati

Marosim davomida oltin medalga ega chiqqan o‘quvchilarga bazaviy hisoblash miqdorining 500 baravari (122,5 million so‘m), o‘qituvchisiga 450 baravari (110,25 million so‘m), kumush medalni qo‘lga kiritganlarga BHMning 300 baravari (73,5 million so‘m), o‘qituvchisiga 250 baravari (61,25 million so‘m), bronza medal sohiblariga BHMning 200 baravari (49 million so‘m), o‘qituvchisiga 150 baravari (36,75 million so‘m) miqdorida pul mukofoti topshirildi.

Foto: Xalq ta’limi vazirligi axborot xizmati

Foto: Xalq ta’limi vazirligi axborot xizmati

Foto: Xalq ta’limi vazirligi axborot xizmati

Foto: Xalq ta’limi vazirligi axborot xizmati

Bundan tashqari, mintaqaviy xalqaro fan olimpiadalari: 55-Xalqaro Mendeleyev kimyo olimpiadasi, 17-Xalqaro Jautikov olimpiadasi, 6-Xalqaro Kavkaz matematika olimpiadasi, 27-Xalqaro matematika musobaqasida munosib ishtirok etib, 31 ta medal (2 ta oltin, 14 ta kumush va 15 ta bronza)ga sazovor bo‘lgan o‘quvchilar ham pul mukofotlari hamda esdalik sovg‘alari bilan taqdirlandi.

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg
Mahalliy
Oʻzbekistonning yanvar oyidagi budjet daromadi ochiqlandi