Abdulaziz Komilov Turkiya tashqi ishlar vaziri Mavlud Chavusho‘g‘lu bilan Afg‘onistondagi vaziyatni muhokama qildi

O‘zbekiston tashqi ishlar vaziri Abdulaziz Komilov 2021-yilning 17-avgust kuni Turkiya tashqi ishlar vaziri bilan telefon orqali muloqot qildi.

Suhbat chog‘ida O‘zbekiston—Turkiya hamkorligining turli masalalari muhokama qilindi. Mintaqaviy siyosatning ayrim jihatlari, jumladan, Afg‘onistondagi vaziyat yuzasidan fikr almashildi.

Abdulaziz Komilov turkiyalik hamkasbiga Turkiyada yaqinda yuz bergan tabiiy ofatlar va ko‘plab insonlarning halok bo‘lgani munosabati bilan hamdardlik bildirdi.

Bundan avval Abdulaziz Komilov Dushanbeda Pokiston, Afg‘oniston va Hindiston tashqi ishlar vazirlari bilan uchrashgani, Abdulaziz Komilov boshchiligidagi O‘zbekiston delegatsiyasi amaliy tashrif bilan Janubiy Koreyaga borishi hamda Abdulaziz Komilov koronavirusga qarshi to‘liq emlangani haqida xabar berilgandi.