Bugun,

  • USD 11095.31
  • RUB 173.84
  • EUR 10772.44

Telegram’da Toshkent shahrining Uchtepa tumanidagi ko‘p qavatli uylar oldida daraxt kesilayotgani va bunga hudud aholisi norozilik bildirgani aks etgan video tarqaldi. O‘zbekiston Ekologik partiyasi axborot xizmati rahbari Akbar Abduraimovning “Daryo”ga ma’lumot berishicha, mazkur holat O‘zbekiston prezidentligiga nomzod sifatida ko‘rsatilayotgan Narzullo Oblomurodov tomonidan nazoratga olingan.

Foto: O‘zbekiston Ekologik partiyasi axborot xizmati

Foto: O‘zbekiston Ekologik partiyasi axborot xizmati

Ta’kidlanishicha, videolavha ortidan o‘rganish olib borish maqsadida O‘zbekiston Ekologik partiyasi Markaziy Kengashi ijroiya qo‘mitasi raisi Narzullo Oblomurodov boshchiligida mas’ullar voqea yuz bergan manzilda bo‘lgan.

“Uchtepa tumanidagi 24-mavze 28, 29-uylar oldida noqonuniy daraxt kesishga urinayotgan shaxsning jamoatchilik tomonidan to‘xtatib qolingani aks etgan videolavha yuzasidan joriy yilning 8-avgust kuni o‘rganish ishlari olib borilib, bu yerda istiqomat qilayotgan aholi vakillari bilan uchrashuv o‘tkazildi”, — deydi partiya matbuot kotibi Akbar Abduraimov.

Foto: O‘zbekiston Ekologik partiyasi axborot xizmati

Foto: O‘zbekiston Ekologik partiyasi axborot xizmati

Aniqlanishicha, tumanning Izza ko‘chasidagi 219-uyda yashovchi B.Daminov aholi yashash hududida qurilish qilish maqsadida yollanma ishchi jalb qilib, hududdagi bir tup diametri 39,4 santimetr bo‘lgan safora daraxtini kesmoqchi bo‘lgan. Biroq aholi vakillari tomonidan to‘xtatib qolingan.

Qayd etilishicha, aholi noroziligiga sabab bo‘lgan mazkur holat O‘zbekiston Ekologik partiyasi tomonidan nazoratga olingan bo‘lib, nazorat ishlariga ekologiya inspeksiyasi hamda profilaktika inspektori jalb etildi. Ushbu masalada, bugun 9-avgust kuni jamoatchilik eshituvi ham o‘tkaziladi.

“O‘zbekiston Ekologik partiyasi ona tabiatning bir bo‘lagi bo‘lgan daraxtlarning kesilishini keskin qoralaydi va Uchtepa tumani hokimligi, mutasaddi tashkilotlarga murojaat qilib, mazkur vaziyatda aholi fikrini inobatga olgan holda masalani qayta ko‘rib chiqishni so‘raydi”, — deydi partiya matbuot kotibi.

Foto: O‘zbekiston Ekologik partiyasi axborot xizmati

Foto: O‘zbekiston Ekologik partiyasi axborot xizmati

Eslatib o‘tamiz, avvalroq O‘zbekistonda noqonuniy daraxt kesish holatlari eng ko‘p kuzatilgan viloyatlar nomi ma‘lum bo‘lgandi. 2021-yilning boshidan daraxt va butalarning noqonuniy kesilishi va shikastlantirilishi bilan bog‘liq holatlar hududlar kesimida tahlil etilganda eng ko‘p Qoraqalpog‘iston Respublikasi (1 065 ta), Samarqand (609 ta), Qashqadaryo (534 ta), Navoiy (349 ta), Toshkent (344 ta) viloyatlari hissasiga to‘g‘ri kelgan.

Izoh
Asosiy yangiliklar
Dunyo
Qozog‘iston poytaxtida namoyishlar bo‘lib o‘tmoqda (video)
Mahalliy
Qoraqalpog‘istonda YPX xodimi radar o‘rnatilgan mashinasida taksichilik qilgani aytilmoqda (video)
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj