Bugun,

  • USD 11014.01
  • RUB 191.8
  • EUR 10674.78

Shavkat Mirziyoyev 3-avgust kuni bo‘lib o‘tgan videoselektor yig‘ilishida biznes vakillari bilan bo‘lajak ochiq muloqotga tayyorgarlik doirasidagi ishlarga to‘xtalib o‘tdi.

“Bugungi kunga qadar respublika shtabiga tadbirkorlardan 10 mingdan ortiq taklif va mulohazalar kelib tushdi.

Ularda ko‘tarilgan masalalarning 8 mingdan ortig‘i yoki 86 foizi shaxsiy masalalarga oid bo‘lib (kredit va subsidiya ajratish, bo‘sh binolarni ijaraga olish, infratuzilmaga ulanish, soliq qarzdorligi, xususiy mulk himoyasi), hozirgi kungacha ularning yarmi joylarda hal etildi.

Qoraqalpog‘istonda 41 foiz, Andijonda 32 foiz, Buxoroda 36 foiz, Jizzaxda 36 foiz, Qashqadaryoda 34 foiz, Navoiyda 33 foiz, Namanganda 33 foiz, Samarqandda 32 foiz, Surxondaryoda 41 foiz, Sirdaryoda 37 foiz, Toshkentda 32 foiz, Farg‘onada 39 foiz, Xorazmda 35 foiz va Toshkent shahrida 21 foiz murojaatlar hal qilingan.

Shunday bo‘lsa-da, Call-markazlarga kuniga 1 mingtagacha murojaat kelib tushmoqda. Shu sababli tadbirkorlarni qiynayotgan masalalar bo‘yicha qamrovni yanada kengaytirish maqsadida murojaatlarni qabul qilish 10-avgustga qadar davom etadi.

Shuningdek, 31 ta vazirlik va idora rahbarlari o‘rinbosarlari hokimlar bilan birga murojaatlarni tezkorlik bilan hal etishga shaxsan mas’ul bo‘ladi. Hech bir murojaat o‘z holiga tashlab qo‘yilmasligi, bosh vazir virtual qabulxonasida elektron ro‘yxatga olinishi va nazorat qilinishi kerak”, – dedi davlat rahbari.

Avvalroq prezidentning tadbirkorlar bilan ochiq muloqoti avgust oyining boshida bo‘lib o‘tishi va shu sabab takliflar 31-iyulgacha qabul qilinishi aytilgandi.

Davlat rahbarining matbuot kotibi Sherzod Asadov 2-avgustdagi brifingda Shavkat Mirziyoyev va tadbirkorlar uchrashuvi nima sababdan keyinroqqa qoldirilganiga izoh berdi.

“Murojaatlarning dinamikasidan kelib chiqqan holda shtab murojaatlarni qabul qilish muddatini yana bir necha kunga uzaytirmoqda. Kecha olgan ma’lumotlarimizga ko‘ra, bu muddat 5-avgustgacha cho‘zilyapti”, — degan Asadov.

Bundan avval bosh vazir o‘rinbosari, investitsiyalar va tashqi savdo vaziri Sardor Umurzoqov bo‘lajak uchrashuvda tadbirkorlarning qaysi qatlami ishtirok etishini ma’lum qilgandi.

Izoh
Asosiy yangiliklar
Dunyo
Rossiyalik milliarderlar yil boshidan buyon qariyb 100 mlrd dollar yo‘qotgan
Dunyo
Zaporojye AES bosh direktori Igor Murashov Rossiya asirligidan ozod qilindi
Mahalliy
“Jamoaga yordam bermaganlar uni yo‘q joydan qoralayotgani achinarli” — Sherzod Shermatov 819 mln so‘m sarflangan IT tadbiri haqidagi gaplarni “mayda g‘iybatlar” de...