Bugun,

  • USD 11095.31
  • RUB 173.84
  • EUR 10772.44

Namanganda saxovatpesha insonlar tomonidan ehtiyojmand oilalar uchun 132 xonadonli uy-joy majmuasi qurilmoqda. Bu haqda “Daryo” muxbiri Azizbek Abduvaliyev xabar bermoqda.

Foto: “Daryo” / Jahongir Akramov

Mazkur majmua Namangan shahrining Davlatobod tumanida, “Yuksalish” dahasida barpo etilmoqda. Undagi uylar bir, ikki va uch xonali bo‘lib, boquvchisini yo‘qotgan, uy-joyga muhtoj oilalarga bepul taqdim etiladi.

Foto: “Daryo” / Jahongir Akramov

Majmuadan bolalar shug‘ullanishi va ta’lim-tarbiya olishi uchun sport va o‘quv markazlari o‘rin olishi ko‘zda tutilgan.

Foto: “Daryo” / Jahongir Akramov

Shuningdek, tikuvchilik yo‘nalishidagi ishlab chiqarish korxonasi ham faoliyat ko‘rsatishi ko‘zda tutilgan bo‘lib, mazkur korxonada bu yerda istiqomat qiladigan xotin-qizlar bandligi ta’minlanishi rejalashtirilgan.

Foto: “Daryo” / Jahongir Akramov

Uy-joylar “Saxovat-Namangan” xayriya jamoat fondi tomonidan barpo etilmoqda.

Foto: “Daryo” / Jahongir Akramov

Joriy yil fevral oyida rasmiy ro‘yxatdan o‘tgan ushbu fond shu paytgacha ehtiyojmand oilalar uchun yakka tartibda uy-joy qurib berish, mukammal ta’mirlash bilan shug‘ullanib kelgan, foydalanishga topshirilgan uy va kottedjlar soni 30 dan oshgan bo‘lsa, keyinchalik bunday oilalar uchun butun boshli majmua qurib berish g‘oyasi tug‘ildi.

Foto: “Daryo” / Jahongir Akramov

Ushbu tashabbus mahalliy rasmiylar tomonidan qo‘llab-quvvatlandi.

Foto: “Daryo” / Jahongir Akramov

Hozirda 3 qavatli, 5 blokdan iborat majmuaning birinchi bloki tomi yopildi. Fond ixtiyorida 500 dan ortiq muhtoj oilaning uy-joy bo‘yicha murojaati bor. Komissiya ularni o‘rganib chiqib, eng zarurlariga xonadonlarni ajratib beradi. Majmua joriy yil oxirigacha foydalanishga topshirilishi ko‘zda tutilgan.

Foto: “Daryo” / Jahongir Akramov

“Fondimiz asosan uch yo‘nalishda faoliyat olib bormoqda. Boquvchisini yo‘qotganlarning ro‘zg‘orlariga ko‘maklashish, uysizlarni uy-joy bilan ta’minlash va ehtiyojmand oilalarga mansub bemorlarga yordam berish. Bu yordam dori-darmon, nogironlik aravachalari yoki operatsiyalar tariqasida bo‘lishi mumkin. Shuningdek, keyingi paytlarda fondimiz ko‘ngillilari tomonidan muntazam ravishda qon topshirish aksiyalari o‘tkazib kelinmoqda. Maqsad pandemiya sharoitida qiyinchilik sezayotgan oilalarni moddiy va ma’naviy qo‘llab-quvvatlash, bu borada viloyatda olib borilayotgan xayrli ishlar ko‘lamini yanada kengaytirishdan iborat, — deydi “Saxovat-Namangan” xayriya jamoat fondi vasiylik kengashi raisi Ma’rufxon Rajabboyev.

Ma’rufxon Rajabboyev.

Ma’rufxon Rajabboyev.
Foto: “Daryo” / Jahongir Akramov

Xayriya jamoat fondi jamoasida 13 nafar kengash a’zosi, 130 dan ortiq ko‘ngillilar bor. Barchalarining yo‘nalishlari va vazifalari taqsimlangan. Har oyda o‘rtacha 1,5 mingdan ortiq xonadondan xabar olinadi, ulardan 400 dan oshig‘i doimiy nazoratda.

Foto: “Daryo” / Jahongir Akramov

Ushbu xonadonlarda bir nafardan tortib 4-5 nafarga boquvchisini yo‘qotganlar istiqomat qiladi. Ularga oziq-ovqati, kiyim-kechagi, dori-darmoni har oyda muntazam berib boriladi.

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

“Ko‘ngillilar safida tadbirkorlar ko‘p. Hayron qolasiz, qo‘lida 50-100 nafar ishchi-xodimi bor, lekin bizda oddiy yumushlarni bajarishadi. Quruvchilik yo haydovchilik qilishadi, mahsulotlarni qadoqlash, tarqatishda ishtirok etishadi. Namanganning saxovatpesha insonlari bor bo‘lsin, savobi ota-onamizga tegsin, ortiqcha uy-joyimiz bor edi deb xonadonlari kalitini berib ketadiganlar bor. Omborimizga o‘zlari ishlab chiqargan mahsulotlarni yetkazib beradiganlar ko‘p. G‘isht yo tunukami, asal yoki pechenyemi, hatto dala va bog‘larida yetishtirgan mahsulotlar bo‘lishi mumkin. Davlat rahbari tomonidan yurgizilayotgan kambag‘allikdan chiqarish siyosati bizga bu borada juda qo‘l kelyapti, — deydi “Saxovat-Namangan” xayriya jamoat fondi boshqaruvi a’zosi Ma’rufxon Mo‘minov.

Ma’rufxon Mo‘minov.

Ma’rufxon Mo‘minov.
Foto: “Daryo” / Jahongir Akramov

Ma’lumot uchun, Namangandagi saxovatpesha ko‘ngillilar “Biz befarq emasmiz” shiori ostida faoliyat olib bormoqda. Viloyatda mazkur shiorga mos ko‘plab xayrli ishlar amalga oshirilmoqda.

Izoh
Asosiy yangiliklar
Maslahatlar
Qishda kasal bo‘lmaslikning sinalgan 5 ta usuli
Mahalliy
“O‘zbekiston milliy elektr tarmoqlari” boshqaruvi raisi va yana 3 mas’ulga hayfsan berildi
Dunyo
“Rossiya bahorda yangi hujum boshlash uchun Ukrainadagi urushni muzlatmoqchi” — Stoltenberg