Issiq ob-havoda muzqaymoq xarid qilish uchun ko‘chaga chiqishning keragi yo‘q. Mazali muzqaymoqni o‘z qo‘llarimiz bilan uyda tayyorlab ko‘ramiz.

Foto: Lifehacker

Kerakli mahsulotlar:

  • limon – 1/2 dona;
  • qorag‘at – 350-400 gramm;
  • shakar – 25 gramm;
  • qaymoq – 380 ml;
  • quyultirilgan sut – 200 ml;

Tayyorlanish jarayoni:

  1. Limonning po‘sti olinib, sharbati siqib chiqariladi.
  2. Qorag‘at blenderda maydalanadi va unga shakar, limon sharbati va po‘sti qo‘shiladi.
  3. Massa o‘rtacha olovda qaynatilgandan so‘ng past olovda 15 daqiqa davomida aralashtiriladi. Sovitish uchun 2 soatga muzlatkichga qo‘yiladi.
  4. Qaymoq yaxshilab mikser qilinadi, ustidan quyultirilgan sut va qorag‘atli aralashma qo‘shilib, yana aralashtiriladi.
  5. So‘ngra muzqaymoq qolipiga solinib, 5-6 soatga muzlatkichga qo‘yiladi.

Yoqimli ishtaha!