Andijonda ishdan tashqari navbatchilik qilgan tibbiyot xodimlariga qo‘shimcha haq to‘lab berilmagani aytilgan xabarlar ijtimoiy tarmoqlarda tarqaldi. Holat Andijon viloyati Bandlik bosh boshqarmasi Davlat mehnat inspeksiyasi tomonidan o‘rganildi.
Bandlik va mehnat munosabatlari vazirligining ma’lum qilishicha, o‘rganish davomida Andijon viloyati perinatal markazi tibbiyot xodimlari ish vaqtidan tashqari vaqtda ishga jalb qilingani hamda ushbu davr uchun qo‘shimcha to‘lovlar to‘lab berilmagani aniqlandi.
Qonunbuzilish holatlariga yo‘l qo‘ygan perinatal markazi rahbariga nisbatan Ma’muriy javobgarlik to‘g‘risidagi kodeksning 49-moddasi 1-qismiga asosan bazaviy hisoblash miqdorining 5 barobari (1 million 225 ming so‘m) miqdorida ma’muriy jarima qo‘llanildi.
Mavzuga doir:
- Video: Qashqadaryodagi shifoxonada tibbiyot xodimlari koronavirus bilan og‘rigan bemorlar bilan maxsus kiyimsiz ishlayotgani ma’lum qilindi
- Internetda tarqalgan video sabab Shahrisabz tuman tibbiyot birlashmasi mas’ullariga jinoyat ishi qo‘zg‘atildi
- Qashqadaryoda bemorni haqoratlagan shifokor o‘z xohishiga ko‘ra ishdan bo‘shadi
Izoh (0)