Boks bo‘yicha -63 kg vazn toifasida O‘zbekiston sharafini himoya qilayotgan Elnur Abduraimov 25-iyul kuni Tokio—2020 Olimpiadasidagi ishtirokini boshladi.
1/16 finalda o‘zbekistonlik bokschi Mo‘g‘uliston vakili Chinzorig Baatarsuxga qarshi jang qildi. Dastlabki raund teng kurashlar ostida o‘tdi va hakamlarning uch nafari Chinzorigning g‘alabasini qayd etdi. Ikkinchi raund esa to‘lig‘icha Elnur tomonida bo‘ldi.
Hal qiluvchi raundda ham faolroq bo‘lgan Elnur yakunda 4:1 hisobdagi g‘alabani qo‘lga kiritib, 1/8 finalga yo‘l oldi. Nimchorak finalda Abduraimov tojikistonlik Bahodur Usmonovga qarshi ringga ko‘tariladi.
Qayd etish kerak, bu Abduraimov va Baatarsux o‘rtasidagi uchinchi jang bo‘ldi. May oyida Elnur Osiyo chempionati yarim finalida Chinzorigga yutqazib qo‘ygandi. Undan avval esa ular Iordaniyadagi litsenzion musobaqada to‘qnash kelgan va unda o‘zbekistonlik bokschining qo‘li baland kelgandi.
Izoh (0)