Samarqand shahrida Lacetti yonib ketdi

Samarqand shahrida 18-iyun kuni soat 16:30 larda Lacetti avtomobili yonib ketdi. Bu haqda viloyat IIB YHXB axborot xizmati xabar berdi.

Ma’lum qilinishicha, Samarqand viloyati Favqulodda vaziyatlar boshqarmasiga Rudakiy ko‘chasida fuqaro B.A.ga tegishli bo‘lgan Lacetti avtomashinasida yong‘in sodir bo‘lganligi haqida xabar kelib tushgan. Olingan xabarga asosan yong‘in joyiga yong‘in-qutqaruv ekipaji soat 16:35 da yetib borib, tezkor harakatlar natijasida yong‘in soat 16:41 da o‘chirilgan. Yong‘inda jarohat olganlar yo‘q.

Hozirda yong‘inning sababi va zarari aniqlanmoqda.

Avvalroq Yangiyo‘lda “KamAZ” yonib ketgani, Jizzax shahridagi gaz to‘ldirish shoxobchasida gaz shlangini uzmasdan harakatlanib ketgan yuk mashinasi yongani to‘g‘risida xabar berilgandi.