O‘zbekiston Prezidentining farmoyishi bilan Alisher Abdulaxatovich Qodirov Qashqadaryo viloyati davlat soliq boshqarmasi boshlig‘i etib tayinlandi. Bu haqda Davlat soliq qo‘mitasi matbuot xizmati xabar qildi.
Ma’lumot uchun, Alisher Qodirov 1975-yilda Qashqadaryo viloyatida tug‘ilgan. Ma’lumoti oliy. 1994-yilda Samarqand moliya texnikumini, 2004-yilda Qarshi muhandislik-iqtisodiyot institutini, 2009-yilda Toshkent davlat yuridik institutini tamomlagan.
U soliq organlaridagi faoliyatini 1992-yilda Qashqadaryo viloyati Qarshi shahar davlat soliq inspeksiyasi Soliq tushumlarini jamlash va nazorat qilish bo‘limi davlat soliq inspektorligidan boshlagan.
Alisher Qodirov yangi lavozimga tayinlangunga qadar Qashqadaryo viloyati davlat soliq boshqarmasi boshlig‘ining birinchi o‘rinbosari lavozimida faoliyat yuritib kelayotgan edi.
Alisher Abdulaxatovich Qodirov Soliq xizmatining I darajali maslahatchisi hisoblanadi.
Bundan avval Chilonzor tumaniga yangi hokim tayinlangani, Samarqand viloyati IIB boshlig‘ining birinchi o‘rinbosari Sirdaryo viloyati IIBga boshliq bo‘lgani hamda FVV bosh boshqarma boshlig‘i Bektemir tumaniga yangi hokim etib tayinlangani haqida xabar berilgandi.
Izoh (0)