Foto: Ijtimoiy tarmoq foydalanuvchilarining bir uyum o‘tin orasiga yashirinib olgan itni topolmay boshi qotdi

Lyusi laqabli it yog‘ochlar bilan o‘ynashni yaxshi ko‘radi. Shunchaki o‘ynash bilan cheklanmasdan, ular orasiga yashirinib olishga ham usta bo‘lgan Lyusi ijtimoiy tarmoqlarda mashhurlikka erishdi.

Mallarang itning o‘tinlar orasida turgan fotosi bilan uning egasi Keti o‘z sahifasida bo‘lishgan. Suratni tomosha qilgan foydalanuvchilar itni qayerda ekanini topolmay boshi qotgan.

Ma’lum bo‘lishicha, mazkur kadr to‘satdan olingan. Keti Lyusini suratga olishni yaxshi ko‘radi va itning o‘tinlar orasiga yugurib ketgan vaqti uni kadrga muhrlash uchun qo‘liga smartfonini olgan. Yaxshilab joylashib olgan Lyusini egasi ham payqay olmagan.

Bir nechta kadr olishga muvaffaq bo‘lgan va bir muncha vaqt o‘tganidan keyin ajoyib surat chiqqanini tushunib yetgan. Foydalanuvchilar u yoqda tursin Ketining o‘zi ham avvaliga Lyusini suratdan topa olmagan. Shundan keyin mazkur suratni boshqalar bilan bo‘lishishni afzal bilgan ayol ijtimoiy tarmoq foydalanuvchilarining hayratlanishini xayoliga ham keltirmagan.