Фото: Ижтимоий тармоқ фойдаланувчиларининг бир уюм ўтин орасига яшириниб олган итни тополмай боши қотди

Люси лақабли ит ёғочлар билан ўйнашни яхши кўради. Шунчаки ўйнаш билан чекланмасдан, улар орасига яшириниб олишга ҳам уста бўлган Люси ижтимоий тармоқларда машҳурликка эришди.

Малларанг итнинг ўтинлар орасида турган фотоси билан унинг эгаси Кети ўз саҳифасида бўлишган. Суратни томоша қилган фойдаланувчилар итни қаерда эканини тополмай боши қотган.

Маълум бўлишича, мазкур кадр тўсатдан олинган. Кети Люсини суратга олишни яхши кўради ва итнинг ўтинлар орасига югуриб кетган вақти уни кадрга муҳрлаш учун қўлига смартфонини олган. Яхшилаб жойлашиб олган Люсини эгаси ҳам пайқай олмаган.

Бир нечта кадр олишга муваффақ бўлган ва бир мунча вақт ўтганидан кейин ажойиб сурат чиққанини тушуниб етган. Фойдаланувчилар у ёқда турсин Кетининг ўзи ҳам аввалига Люсини суратдан топа олмаган. Шундан кейин мазкур суратни бошқалар билан бўлишишни афзал билган аёл ижтимоий тармоқ фойдаланувчиларининг ҳайратланишини хаёлига ҳам келтирмаган.