“Ko‘rinmas” ilon ijtimoiy tarmoqlar foydalanuvchilarini o‘yga toldirdi

Avstraliyaning ilon tutish bilan shug‘ullanuvchi Snake Catchers Brisbane & Gold Coast kompaniyasi tomonidan joylangan surat ijtimoiy tarmoq foydalanuvchilarining bosh qotirishiga sabab bo‘ldi. Unda ko‘rinmas ilon suratini topish kerak bo‘lgan.

Oddiy uy hovlisidagi bog‘ hamda basseynning bir qismini ko‘rish mumkin bo‘lgan suratda, shuningdek, ilon ham aks etgan bo‘lib, uni payqash oson emas.

Foydalanuvchilardan ba’zilari ilonni gul barglari tagiga yashiringan degan bo‘lsa, boshqalar markazga yaqin joydagi ko‘kimtir aksni ilonning boshiga o‘xshatgan.

Eng e’tiborli kuzatuvchilar suratdan jonivorni topishga muvaffaq bo‘lgan. Sahifa obunachilaridan biri ilonni topish uchun haddan ortiq ko‘p vaqt sarflaganini ma’lum qilgan.