“Uning qarorini hurmat qilish vaqti keldi. “Real” har doim uning uyi bo‘lib qoladi”. Madrid klubi Zinedin Zidanga minnatdorchilik bildirdi

“Real” Zinedin Zidan jamoa bosh murabbiyligidan ketganidan keyin bayonot bilan chiqdi.

Zinedin Zidan klubimiz bosh murabbiyligidagi davrini yakunlashga qaror qildi.

Uning qarorini hurmat qilish vaqti keldi. Ko‘p yillar davomida o‘zining professionalligi, sadoqati va ishtiyoqini namoyish etgani uchun unga minnatdorchiligimizni bildiramiz.

Zidan — “Real”ning eng buyuk afsonalaridan biri hisoblanadi. Va bu faqat u bizning klubda murabbiy va futbolchi bo‘lgani uchungina emas.

U madridizm yuragida ekanligini hamda “Real” uning uyi va har doim shunday bo‘lib qolishini biladi.

“Real Madrid” bayonoti

Zidan o‘z xohishiga ko‘ra 2022-yilgacha mo‘ljallangan shartnomani bekor qildi. U murabbiy sifatida “qirollik klubi” boshqaruvida 276 o‘yin o‘tkazib, 174 ta g‘alaba, 53 ta durang, 36 ta mag‘lubiyat qayd etdi. Fransiyalik mutaxassisning madridliklar bilan qo‘lga kiritgan sovrinlar soni esa 11 tani tashkil qiladi.