“O‘zcharmsanoat” uyushmasi raisiga birinchi o‘rinbosar tasdiqlandi

Hukumatning 5-maydagi qarori bilan Akbar Anvarjonovich Sultonov “O‘zcharmsanoat” uyushmasi raisining birinchi o‘rinbosari lavozimiga tasdiqlandi, deb xabar bermoqda Adliya vazirligi matbuot xizmati.

Unga qadar mazkur uyushma raisining birinchi o‘rinbosari lavozimida Mirsaid Zoxidov faoliyat yuritib kelgan.

“O‘zcharmsanoat” uyushmasiga 2020-yilning 24-aprelidan buyon Faxriddin Boboyev raislik qilib kelmoqda.

Avvalroq Innovatsion rivojlanish vazirining sobiq o‘rinbosari vazirlik huzuridagi milliy ofisga bosh direktor etib tayinlangani, Transport vaziriga turizm va logistikani rivojlantirish masalalari bo‘yicha maslahatchi, “O‘zgidromet” bosh direktoriga yangi o‘rinbosarlar tayinlangani, madaniyat vaziriga sobiq madaniyat vaziri o‘rinbosar etib tayinlangani haqida xabar berilgan edi.