9-may – Xotira va qadrlash kuni munosabati bilan O‘zbekiston Mudofaa vazirligi tomonidan Toshkent shahri bo‘ylab retro avtomobillar marshi o‘tkaziladi. Bu haqda vazirlik Axborot va ommaviy kommunikatsiyalar departamenti “Daryo”ga ma’lum qildi.

Foto: “Daryo” / Madina Nurman

Ma’lum qilinishicha, 4—7-may kunlari Toshkent shahri ko‘chalari bo‘ylab urush davriga oid retro mashinalar marshi hamda aholining gavjum joylarida ularning to‘xtashi va harbiy ansambl, harbiy orkestr jamoalarining urush yillari aks ettirilgan konsert dasturlari namoyish etiladi. Retro mashinalar marshining to‘xtashi va harbiy ansambl, harbiy orkestr jamoalarining urush yillari aks ettirilgan konsert dasturlari quyidagi manzillarda bo‘lib o‘tadi:

  • 4-may kuni soat 14:00–17:00 da.

Mudofaa vazirligi – 22-harbiy shaharcha – Mirzo Ulug‘bek bog‘i – Hamid Olimjon mavzesi – “Dinamo” stadioni – Irrigatsiya instituti – Bodomzor chorrahasi – “G‘alaba bog‘i” – Mudofaa vazirligi yo‘nalishlarida harakat qiladi.

To‘xtash joylari: Mirzo Ulug‘bek bog‘i va “G‘alaba bog‘i”;

  • 5-may kuni soat 10:00–15:00 da.

Mudofaa vazirligi – Qurolli Kuchlar akademiyasi – Toshkent Shimoliy vokzali – Sergeli bozori – Mudofaa vazirligi yo‘nalishlarida harakat qiladi.

To‘xtash joylari: Toshkent Shimoliy vokzali, Sergelii bozori va “Ashxobod” bog‘i;

  • 6-may kuni soat 14:00–19:00 da.

Mudofaa vazirligi – “Ekobozor” – Ahmad Donish ko‘chasi, Megaplanet – Yunusobod ko‘chasi “Korzinka” savdo markazi –Mudofaa vazirligi yo‘nalishlarida harakat qiladi.

To‘xtash joylari: “Ekobozor” MegaPlanet va “Korzinka” savdo markazi;

  • 7-may kuni soat 10:00 – 17:00 da.

Mudofaa vazirligi – Tashkent City – Xalqlar do‘stligi san’at saroyi – Chilonzor dehqon bozori – Mudofaa vazirligi yo‘nalishlarida harakat qiladi.

To‘xtash joylari: Tashkent City , Xalqlar do‘stligi san’at saroyi va Chilonzor dehqon bozori.

Eslatib o‘tamiz, 2019-yilning oktabrida O‘zbekistonda motomavsumning yopilishiga bag‘ishlangan tadbir doirasida retro avtomobillar namoyishi bo‘lib o‘tgandi.