Farg‘ona viloyatining Buvayda tumanida Nexia-2 va elektroskuter to‘qnashishi oqibatida voyaga yetmagan yo‘lovchi halok bo‘ldi, deb xabar bermoqda viloyat IIB matbuot xizmati.
Ma’lum qilinishicha, 1-may kuni Q.A. Nexia-2’ni “O‘rtaqo‘ng‘irot” qishlog‘i hududida boshqarib ketayotib, qarama-qarshi yo‘nalishda harakatlanib kelayotgan elektroskuter bilan to‘qnashgan.
Oqibatda skuter yo‘lovchilari — voyaga yetmagan N.R. tan jarohati olib, hodisa joyida vafot etgan, G‘.A. esa tan jarohati olib, shifoxonaga yotqizilgan
Holat yuzasidan Buvayda tumani IIB huzuridagi tergov bo‘linmasi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘limiga sabab bo‘lishi) bilan jinoyat ishi qo‘zg‘atilib, tergov harakatlari davom etmoqda.
Avvalroq Chinozda Damas YPX inspektorining radar o‘rnatilgan Nexia’siga borib urilgani, Toshkentda Captiva Nexia va “Moskvich”ga borib urilishi oqibatida bir kishi halok bo‘ldi, yana to‘rt nafari jarohatlangani, Dehqonobodda boshqaruvni yo‘qotgan Cobalt haydovchisi “Jiguli”ga urildi. “Jiguli” haydovchisi voqea joyida vafot etgani haqida xabar berilgan edi.
Izoh (0)