Christie’s auksion uyi bir yildan ortiq Xalqaro kosmik stansiya (XKS)da saqlangan bir shisha fransuz vinosini kimoshdi savdosiga qo‘yishni rejalashtirmoqda. Bu haqda Associated Press nashriga tayanib “Interfaks” xabar berdi.
Vino 14 oy o‘tib Yerga qaytarilgan va ichimlikni ta’tib ko‘rgan mutaxassislar vinoning ta’mi biroz o‘zgarganini ta’kidladi. Christie’s auksion uyining ma’lum qilishicha, Pétrus noyob tortishish muhitida qiyomiga yetgan.
Avval bunday vinoning bir shishasi 10 ming dollarga baholangan edi. Pétrus vinosi o‘zining murakkab, tanin ta’miga va gilos hidiga boyligi bilan tanilgan.
Mart oyida fransiyalik mutaxassislar kosmosda bo‘lib qaytgan va Yerda qolgan vinolarni bir-biri bilan solishtirish imkoniga ega bo‘ldi. Ularning fikriga ko‘ra, ta’mida biroz o‘zgarish bo‘lganiga qaramay, ular orasidagi tafovutni aniq aytish qiyin. Ta’kidlanishicha, Yerda qolgan sharobning ta’mi yangiroq, “kosmik versiya” esa yumshoqroq va xushbo‘yroq ekani aniqlangan.
Shuningdek, xaridor o‘sha yilga taalluqli Pétrus sharobining “Yerdagi versiyasi”, dekanter, stakanlar va meteoritdan tayyorlangan shtoporga ham ega bo‘ladi.
https://www.instagram.com/p/COSvx4sFlvT/?utm_source=ig_embed
Auksiondan tushgan pullar Space Cargo Unlimited’ning kelajakdagi loyihalarini moliyalashtirish uchun yo‘naltiriladi. Qolgan shishalar ochilmaydi, hozircha ularni sotish rejalashtirilmagan.
Avvalroq Twitter asoschisi Jek Dorsi birinchi tvitidan yig‘ilgan pulni GiveDirectly fondining Afrikadagi kam ta’minlangan oilalarga yordam ko‘rsatuvchi Africa Response dasturiga yo‘naltirishini aytgan edi. Twitter rahbarining ilk xabari uchun taklif qilingan eng katta narx 2,5 million dollarga yetgan.
AQShning Nyu-York shahrida Injective Protocol blokcheyn kompaniyasi 95 000 dollarga ko‘cha rassomi Benksining 2007-yilda chizilgan “Morons (White)” suratini sotib oldi va uni yoqib yubordi.
Izoh (0)