Bugun,

  • USD 10940.05
  • RUB 182.26
  • EUR 11121.65

O‘zbekiston hududlari bo‘ylab 29-aprel kuni jami 71 775 kishi COVID-19’ga qarshi emlandi, deb xabar bermoqda Sog‘liqni saqlash vazirligi matbuot xizmati. Bu vaksinatsiya boshlangandan beri eng yuqori ko‘rsatkichdir.

Foto: SSV matbuot xizmati

Foto: SSV matbuot xizmati

Shu tariqa ayni kungacha O‘zbekistonda koronavirus infeksiyasiga qarshi emlangan fuqarolar soni 718 471 nafarga yetdi.

29-aprel kunidagi emlash ko‘rsatkichlari bo‘yicha yuqori o‘rinlarni:

  • Farg‘ona viloyati (16 838 nafar),
  • Andijon viloyati (9230 nafar),
  • Namangan viloyati (8787 nafar),
  • Samarqand viloyati (5801 nafar),
  • Jizzax viloyati (5113 nafar) band qildi.
Ta’kidlanishicha, hozirga qadar jami emlanganlar soni bo‘yicha rekord ko‘rsatkich Farg‘ona viloyatida (105 158 nafar) qayd etilgan. Namangan viloyatida bu ko‘rsatkich 75 477 nafarni, Andijon viloyatida esa 72 242 nafarni tashkil qilmoqda.

Aholining xavf osti guruhlarining koronavirusga qarshi emlash ko‘rsatkichlari quyidagicha:

  • 65 yosh va undan katta fuqarolar — 343 532 nafar;
  • tibbiyot xodimlari — 262 570 nafar;
  • maktab o‘qituvchilari — 71 443 nafar
  • maktabgacha ta’lim muassasalari xodimlari — 22 876 nafar;
  • surunkali kasalligi bor fuqarolar — 18 050 nafar.
Shu kungacha vaksina qabul qilgan fuqarolarning 323 772 nafari AstraZeneca, 391 478 nafari ZF-UZ-VAC2001 bilan emlangan. Shuningdek, yaqinda mamlakatga olib kelingan “Sputnik V” (rasmiy nomi “Gam-KOVID-Vak”) vaksinasi bilan 3221 nafar 65 yoshdan oshgan fuqaro emlangan. Hukumat iyun oyi oxirigacha 4 millionga yaqin, yil oxirigacha 7 million aholini koronavirusga qarshi emlashni rejalashtirgan.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi