Bugun,

  • USD 11095.31
  • RUB 173.84
  • EUR 10772.44

Amerikaning Aydaxo shtati gubernatori, respublikachi Bred Littl abort to‘g‘risidagi qonunga imzo chekdi. Yangi qonun ayolga homilada odatda olti hafta ichida sodir bo‘ladigan yurak urishi aniqlangandan so‘ng abortni taqiqlaydi. Bu haqda Fox News xabar berdi.

Foto: RefNews

Foto: RefNews
Qonun aslida shtatdagi abortlarning aksariyati noqonuniy bo‘lganini ko‘rsatadi, chunki ko‘p ayollar olti haftagacha homilador ekanini hatto anglamaydi. Qonun yuzasidan istisnolar faqat shoshilinch tibbiy yordam, zo‘rlash va qarindoshlar o‘rtasidagi nikoh holatlarida ayolning politsiyaga ariza topshirish sharti bilan amal qiladi.

“Aydaxo eng begunoh hayot — go‘dak hayotini qadrlaydigan shtat. Ushbu muhim qonunni qabul qilish orqali hayotni saqlab qolishga imkon bergan Aydaxo shtati qonun chiqaruvchilaridan minnatdorman va bugun uni imzolaganimdan faxrlanaman”, — deya Fox News Bred Littlning so‘zlarini keltirdi. Shuningdek, Littl abortni “mutlaq fojia” deb atagan.

Qonun federal apellyatsiya sudi tomonidan imzolanganidan keyin kuchga kiradi.

Avvalroq Oklaxoma gubernatori Kevin Still ham yurak urishi aniqlangandan keyin abort qilishni taqiqlovchi qonun loyihasini imzolagan edi. Qo‘shma Shtatlarda abort 1973-yildan beri Oliy sud qarori bilan federal qonuniylashtirilgan.

Izoh
Asosiy yangiliklar
Mahalliy
O‘zbekistonda Urug‘chilik hamda pistachilik ilmiy markazlari tashkil etiladi
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Shou-biznes
Yillar davomida tanib bo‘lmas darajada o‘zgargan Gollivud aktyorlari (foto)