Американинг Айдахо штати губернатори, республикачи Бред Литтл аборт тўғрисидаги қонунга имзо чекди. Янги қонун аёлга ҳомилада одатда олти ҳафта ичида содир бўладиган юрак уриши аниқлангандан сўнг абортни тақиқлайди. Бу ҳақда Fox News хабар берди.
«Айдахо энг бегуноҳ ҳаёт — гўдак ҳаётини қадрлайдиган штат. Ушбу муҳим қонунни қабул қилиш орқали ҳаётни сақлаб қолишга имкон берган Айдахо штати қонун чиқарувчиларидан миннатдорман ва бугун уни имзолаганимдан фахрланаман», — дея Fox News Бред Литтлнинг сўзларини келтирди. Шунингдек, Литтл абортни «мутлақ фожиа» деб атаган.
Қонун федерал апелляция суди томонидан имзоланганидан кейин кучга киради.
Аввалроқ Оклахома губернатори Кевин Стилл ҳам юрак уриши аниқлангандан кейин аборт қилишни тақиқловчи қонун лойиҳасини имзолаган эди. Қўшма Штатларда аборт 1973 йилдан бери Олий суд қарори билан федерал қонунийлаштирилган.
Изоҳ (0)