Bugun,

  • USD 11095.31
  • RUB 173.84
  • EUR 10772.44

Sirdaryoda 2021-yilning 1-iyulidan 2022-yilning oxiriga qadar viloyat sog‘liqni saqlash tizimida tajriba-sinov loyihasi doirasida aprobatsiyadan o‘tkaziladigan yangi tizim, ya’ni davlat tibbiy sug‘urtasi joriy etiladi. Bu haqda SSV matbuot xizmati xabar qildi.

Davlat tibbiy sug‘urtasi tizimi 2021-yildan boshlab bosqichma-bosqich joriy etiladi. Birinchi bosqich Davlat dasturida belgilanganidek, tajriba tariqasida Sirdaryo viloyati tibbiyot muassasalarida, ikkinchi bosqich 2023-yilda Qoraqalpog‘istonda, Samarqand, Navoiy, Surxondaryo va Farg‘ona viloyatlari va Toshkent shahrida, uchinchi bosqich 2025-yildan butun mamlakat bo‘ylab joriy etiladi.

Qayd etilishicha, buning uchun Sog‘liqni saqlash vazirligi huzuridagi Davlat tibbiy sug‘urtasi jamg‘armasi tashkil etilgan.

Tajriba-sinov loyihasini amalga oshirishga tayyorgarlik doirasida jamg‘arma viloyat tibbiyot muassasalarida sog‘liqni saqlashning yangi modelini joriy etish bo‘yicha tayyorgarlik ishlarini boshladi.

Jumladan, loyihaga Guliston shahrida 5 ta, Yangiyer shahrida 2 ta, Boyovut tumanida 14 ta birlamchi tibbiy-sanitariya yordami muassasasi jalb qilingan.

Xalqaro ekspertlar ishtirokida davlat tomonidan kafolatlangan bepul tibbiy xizmatlar paketini ishlab chiqish, tibbiyot mutaxassislari jamoalarini shakllantirish, shuningdek, aholi salomatligini monitoring qilish uchun yagona elektron platformani yaratish bo‘yicha joylarda seminarlar o‘tkazildi. Maxsus tibbiy brigadalar tuzildi, shifokorlarning bemorlar bilan ishlash mexanizmi belgilandi.

Aholini ro‘yxatga olish natijasida “elektron poliklinika” ma’lumotlar bazasiga Guliston shahrining 102 ming nafardan ortiq, Yangiyer shahrining 42 ming nafar, Boyovut tumanining 123 mingdan ortiq aholisi kiritildi.

Ta’kidlanishicha, sog‘liqni saqlash tizimini tashkil etishning yangi modeli joriy etilishi qo‘shimcha moliyaviy mablag‘larni jalb etmagan holda tibbiy xizmatlar sifatini oshirishga xizmat qiladi.

Bundan avval Shavkat Mirziyoyev sog‘liqni saqlash tizimini tashkil etishning Sirdaryo modelini barcha hududlarda joriy etish bo‘yicha ko‘rsatma bergani hamda O‘zbekistonda Sirdaryo misolida kafolatlangan tibbiy xizmatlar va dori vositalari paketlari ishlab chiqilishi haqida xabar berilgandi.

Izoh
Asosiy yangiliklar
Mahalliy
Turkmaniston O‘zbekistonga tekinga gaz yetkazib beradi 
Mahalliy
Toshkentda ko‘prik ustidagi “Gazel” yonib ketdi (video)
Biznes
Rossiyadan Osiyoga ko‘mir eksporti narxi oshgani ma’lum qilindi