“Barselona” hujumchisi Lionel Messi La Liga 31-turi doirasida “Xetafe”ga qarshi kechgan o‘yinda (5:2) dubl muallifiga aylandi.
33 yoshli argentinalik futbolchi Primera joriy mavsumidagi gollari sonini 25 taga yetkazib oldi. Messi ketma-ket 12 mavsumdan beri chempionat doirasida 25+ gol urmoqda, bu rekord hisoblanadi.
Messidan boshqa top-5 ligalar doirasida faqat “Yuventus” forvardi Krishtianu Ronaldu 12 ta mavsumda 25+ gol urgan. Biroq portugaliyalik futbolchi bu ishni ketma-ketlikda uddalay olmagan.
Ronaldu “Real” safidagi 12 mavsumning 11 tasida 25+ gol urgandi. Shuningdek, u 2018/19-yilgi mavsumda A Seriyada 21 ta gol urdi.
Messi joriy mavsum La Ligada 29 ta o‘yin o‘tkazib, 25 ta gol va 9 ta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)