Farg‘onada 36 marta qoida buzgan va jarimalarini to‘lamagan haydovchining Gentra’si jarima maydoniga joylashtirilgach, 23 million 850 ming so‘m qarzini to‘lab berdi. Bu haqda “Daryo”ga MIB viloyat boshqarmasi axborot xizmati xabar berdi.
Ma’lum qilinishicha, majburiy ijro byurosi Dang‘ara tuman bo‘limi ish yurituviga 2020-yil yanvar oyidan 2021-yil mart oyiga qadar 36 marta qoidabuzarlik sodir etib, belgilangan jarimalarni o‘z vaqtida to‘lamagan fuqaro B.A.ga ma’muriy jazo qo‘llash to‘g‘risidagi qarorlar kelib tushgan.
2021-yilning 14-aprel kuni MIB va yo‘l-patrul xizmati inspektorlari tomonidan o‘tkazilgan majburiy ijro harakatlari davomida qoidabuzar haydovchiga tegishli Gentra avtomashinasi ushlanib, qarzdorlik undirilgunga qadar vaqtinchalik jarima maydoniga joylashtirilgan.
Mashinasi olib qo‘yilgach, jarima to‘lovlarini to‘lashdan qasddan bo‘yin tovlab kelayotgan fuqaro 23 million 850 ming so‘m miqdoridagi jarima pullarini to‘lab bergan.
Mavzuga doir:
- Toshkent viloyatida 45 kun ichida mast holda avtomobil boshqargan mingdan ortiq haydovchiga chora ko‘rildi
- Samarqandda 2020-yilda salkam 318 mingta qoidabuzarlik aniqlangani ma’lum qilindi
- Chinozda Kon geologiya inspeksiyasiga tegishli Captiva davlat raqami yopib boshqarilgani uchun jarima maydoniga joylashtirildi
