AQShda Hyundai Santa Fe haydovchisi shlagbaumni urib yuborib, ko‘tarma ko‘prikdan sakrab o‘tdi. Ko‘ngilsiz hodisa 12-aprel kuni Floridada sodir bo‘lgan, deb xabar beradi Motor.
Amerikalik jurnalistlarda bu kabi holatga nima sabab bo‘lganini aniqlash imkoni bo‘lmagan — Hyundai haydovchisi ta’qibdan qochmagan va bir qarashda haydovchida yo‘l harakati qoidalarini buzishga jiddiy sabab bo‘lmagan. Shunga qaramay Hyundai egasi Gollivud filmlaridagi kabi harakatni real hayotda sinab ko‘rishga qaror qilgan.
AQSh politsiyasi mazkur holatga qiziqish bildirgan va qoidabuzar avtomobil raqamini topgan. Noqonuniy “kaskadyor”ning ismi ham huquq-tartibot organlariga ma’lum. Uzoq o‘ylanmay amalga oshirilgan bu kabi parvoz oqibatida hech kimga jarohat yetmagan bo‘lsa-da, haydovchi kattagina jarimaga tortilishi mumkin.
Eslatib o‘tamiz, 2017-yilda Vest-Deptfor shahri fuqarosi ko‘tarilayotgan Terens Nafiz ko‘prigidan avtomobilda uning uch nafar oila a’zosi bilan sakrab o‘tgandi.
Izoh (0)