Futbol bo‘yicha Yevropa Ligasining 1/4 final javob bahsidan o‘rin olgan o‘yinlar 15-aprel, payshanba kuni bo‘lib o‘tdi.
“Manchester Yunayted” o‘z maydonida “Granada”ni qabul qildi. 6-daqiqadagi Edinson Kavanining goli hamda 90-daqiqadagi Xesus Valyexoning avtogoli evaziga Manchester klubi g‘alabani tantana qildi. Shu tariqa “qizil iblislar” har ikkala o‘yinda ham g‘alaba qozonib, 1/2 finalga yo‘l oldi.
“Arsenal” “Slaviya” maydoniga safar qilib, raqib darvozasiga javobsiz 4 ta to‘p kiritdi. London klubining gollariga Nikolya Pepe, Aleksandr Lyakazett (dubl) va Bukayo Saka mualliflik qildi. “Arsenal” Yevropa Ligasi 2020/21-yilgi mavsumida yarim finalga chiqqan ikkinchi ingliz jamoasi bo‘ldi.
“Roma” Rimda “Ayaks” bilan bahs yuritdi. Bellashuvda jamoalar 1:1 hisobidagi durangga imzo chekdi. Mezbonlarning goliga Edin Jeko mualliflik qilgan bo‘lsa, “Ayaks” safida Brian Brobbey o‘z hisobiga gol yozdirib qo‘ydi. “Roma” mazkur o‘yindagi durangga qaramay, ikki o‘yin natijasiga ko‘ra (3:2) keyingi bosqich yo‘llanmasiga ega chiqdi.
“Vilyarreal” har ikkala o‘yinda “Dinamo Zagreb”dan ustun kelib, musobaqaning yarim finaliga yo‘l olgan to‘rtinchi jamoaga aylandi.
Yarim final bosqichida “Manchester Yunayted” — “Roma” bilan bellashsa, “Arsenal” “Vilyarreal”ga qarshi saf tortadi.
Yevropa Ligasi
1/4 final, javob bahslari
15-aprel, payshanba
“Manchester Yunayted” Angliya – “Granada” Ispaniya 2:0
Gollar: 1:0 – 6 Kavani, 2:0 – 90, avtogol Valyexo.“Manchester Yunayted: De Xea, Lindelyof, Uan-Bissaka (Uilyams, 82), Tuanzebe, Telles, Fred, Pogba (van de Bek, 46), Brunu Fernandesh (Mata, 73), Matich, Kavani (Jeyms, 60), Grinvud (Diallo, 82).
“Granada”: Ruy Silva, Neva (Dias, 75), Fulkye, Xerman Sanches (Peres, 82), Valyexo, Kenedi (Puertas, 46), Errera, Gonalon (Molina, 32), Montoro, Machis, Soldado (Suares, 46).
Ogohlantirishlar: Pogba (17), Soldado (19), Xerman Sanches (61), Neva (74), Montoro (74).
Birinchi o‘yin — 2:0.
“Slaviya” Chexiya – “Arsenal” Angliya 0:4
Gollar: 0:1 – 18 Pepe, 0:2 – 21, penalti Lyakazett, 0:3 – 24 Saka, 0:4 – 77 Lyakazett.“Slaviya”: Kolarj, Borjil (Dorli, 46), Zima, Golesh, Ba (Vishinski, 46), Stanchu (Lingr, 46), Shevchik, Provod, Gromada (Masopust, 46), Olayinka, Kuxta (Tesl, 71).
“Arsenal”: Leno, Chembers, Holding, Mari, Sebalyos, Jaka, Parti (Soaresh, 79), Smit-Rou (en-Nenni, 67), Saka (Martinelli, 79), Pepe (Balogun, 88), Lyakazett (Nketia, 79).
Ogohlantirishlar: Gromada (20), Olayinka (63), Martinelli (82).
Birinchi o‘yin — 1:1.
“Vilyarreal” Ispaniya – “Dinamo Zagreb” Xorvatiya 2:1
Gollar: 1:0 – 36 Pako Alkaser, 2:0 – 43 Xerard Moreno, 2:1 – 74 Orshich.Birinchi o‘yin — 1:0.
“Roma” Italiya – “Ayaks” Niderlandiya 1:1
Gollar: 0:1 – 49 Brobbey, 1:1 – 72 Jeko.Birinchi o‘yin — 2:1.
Izoh (0)