Chempionlar Ligasi. “Real” ikki o‘yin natijasiga ko‘ra “Liverpul” to‘sig‘idan o‘tib, 1/2 finalga chiqdi. “Manchester Siti” ham keyingi bosqichda
Futbol bo‘yicha Yevropa Chempionlar Ligasining 1/4 final javob bahsidan o‘rin olgan navbatdagi ikki o‘yin 14-aprel, chorshanba kuni bo‘lib o‘tdi.
“Real” “Liverpul” mehmoni bo‘ldi. Uchrashuvda darvozalar daxlsiz qoldi. Ushbu o‘yin durang bilan yakunlangan bo‘lsa ham, Madrid klubi dastlabki bahsdagi g‘alabasi tufayli keyingi bosqich yo‘llanmasiga ega chiqdi.
“Manchester Siti” “Borussiya D” maydoniga safar qildi va 2:1 hisobidagi g‘alabani tantana qildi. “Shaharliklar”ning gollariga Riyod Mahrez va Filip Foden mualliflik qilgan bo‘lsa, mezbonlar safida Jud Bellinghem o‘z hisobiga gol yozdirib qo‘ydi.
Shu tariqa Chempionlar Ligasi 1/2 final bosqichiga yo‘l olgan barcha jamoalar nomi ma’lum bo‘ldi. Ular quyidagicha: “Chelsi”, PSJ, “Manchester Siti” va “Real”. Yarim finalda “Real” “Chelsi” bilan bahsga kirishsa, Pep Gvardiola boshchiligidagi “Manchester Siti” PSJga qarshi maydonga chiqadi.
Chempionlar Ligasi
1/4 final, javob bahslari
“Liverpul” Angliya — “Real Madrid” Ispaniya 0:0
“Liverpul”: Alisson, Kabak (Diogu Jota, 60), Robertson, Fillips, Aleksander-Arnold, Fabinyo, Milner (Tiago Alkantara, 60), Mane (Oksleyd-Chemberlen, 82), Veynaldum, Saloh, Firmino (Shakiri, 82).“Real Madrid”: Kurtua, Nacho, Mendi, Militao, Valverde, Kroos (Odriosola, 72), Kazemiro, Vinisius Junior (Rodrigo, 72), Modrich, Asensio (Isko, 82), Benzema.
Ogohlantirishlar: Kazemiro (25), Robertson (25), Fillips (59).
Birinchi o‘yin — 1:3.
“Borussiya D” Germaniya — “Manchester Siti” Angliya 1:2
Gollar: 1:0 – 15 Bellinghem, 1:1 – 55, penalti Mahrez, 1:2 – 75 Foden.“Borussiya D”: Hits, Morey (Tigges, 81), Akanji, Hummels, Gerreyru, Daud (Azar, 76), Bellinghem (Brandt, 81), Knauff (Reyna, 68), Jan, Roys, Holand.
“Manchester Siti”: Ederson, Stounz, Uoker, Ruben Diash, Zinchenko, Foden, de Bryuyne, Bernardu Silva, Rodri, Marez (Sterling, 88), Gundog‘an.
Ogohlantirish: Bellinghem (39).
Birinchi o‘yin — 1:2.
