Futbol bo‘yicha O‘zbekiston Superligasining 5-turida “Navbahor” o‘z maydonida so‘nggi daqiqalarda penaltidan urilgan gol evaziga “Paxtakor”ga mag‘lub bo‘ldi.

“Daryo” muxbiri Azizbek Abduvaliyevning bildirishicha, mazkur o‘yinni tomosha qilish uchun stadionga 15 982 nafar muxlis yig‘ilgan.

O‘yindan so‘ng ikki jamoa bosh murabbiylari ishtirokida matbuot anjumani o‘tkazildi.

Namangandagi uchrashuvlar hissiyotlarga boy tarzda kechadi. Maydon holati biroz yomon bo‘lgani uchun o‘z o‘yinimizni ko‘rsata olmadik. Birinchi bo‘limni yaxshi o‘tkazdik. Lekin ikkinchi bo‘limda muxlislar madadi bilan mezbonlar o‘yinni kuchaytirib, hisobni tenglashtirdi. Hakamning yaqqol penaltini bermagani uchun hayron bo‘lgandim, baribir VAR yordamida penalti belgiladi. O‘zbekistondagi faoliyatim davomida ikkinchi marta Namanganda g‘alaba qozondik.

Piter Hyuistra, “Paxtakor” bosh murabbiyi

“Navbahor” futbolchilari ustozi Viktor Jalilovga ko‘ra bugungi o‘yin durangga mos edi. Shogirdlari juda yaxshi o‘yin ko‘rsatgan, gol urgandan keyin ham himoyaga yotib olmagan.

Mag‘lubiyatga uchradikmi, demak, bizga mahorat, sovuqqonlik yetishmadi. Qaysidir pallada omad ham yetishmadi. Yutqazdikmi, nimadir kamlik qilgan. Kamchiliklarni muhokama qilamiz.

Viktor Jalilov, “Navbahor” bosh murabbiyi

“Daryo” quyida Namanganda bo‘lib o‘tgan o‘yindan olingan suratlarni havola etadi.

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Ushbu bahsga professional boks bo‘yicha ikkinchi yarim yengil vazn (-55,34 kg) toifasida WBA va IBF kamarlari sohibi Murodjon Ahmadaliyev (9-0, 7 KO) ham tashrif buyurdi. U 3-aprel kuni Humo Arena’da bo‘lib o‘tgan boks kechasida yaponiyalik Ryosuke Ivasaga (27-4, 17 KO) qarshi ringga ko‘tarilib, kamarlarini himoya qilgandi.

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov