4,5 ming afg‘on maxfiy sxema bo‘yicha Buyuk Britaniyaga ko‘chib o‘tgani ma’lum qilindi. Tolibon hukumatidan yashirin tarzda amalga oshirilayotgan jarayon, xususan, ko‘chirilayogan afg‘onlar haqida ma’lumotlar oshkor bo‘lgan. Bu haqda BBC xabar berdi.
Afg‘onistonda “Tolibon” 2022-yil fevral oyida hokimiyatni egallab olgach, Buyuk Britaniyaga ko‘chib o‘tish uchun 19 mingga yaqin kishi maxfiy tarzda ariza bergan. Ammo bu xavfsizlik bilan bog‘liq omillar sabab Britaniya hukumati tomonidan maxfiy saqlab kelinayotgandi.
Afg‘onistonning avvalgi hukumati ham bu harakat haqida 2023-yil avgust oyida, ba’zi tafsilotlar Facebook’da paydo bo‘lganidan so‘ng xabar topgandi. Tarqalib ketgan ma’lumotlar orasida “Tolibon” tomonidan zarar yetkazilishi mumkin bo‘lgan odamlarning ismlari va ba’zi oilaviy ma’lumotlari mavjud. Ushbu maxfiy sxema bo‘yicha Buyuk Britaniyaga hozirgacha 4,5 ming afg‘on ko‘chib kelgan.
Buyuk Britaniya hukumati 15-iyul kuni quyidagilarni ma’lum qilgan:
- Ko‘chishga ariza bergan 600 nafar afg‘on askari va ularning 1800 nafar oila a’zolari hamon Afg‘onistonda qolmoqda.
- Sxema endilikda tugatiladi. Ammo Afg‘onistonda qolganlarga allaqachon berilgan ko‘chirish takliflari hisobga olinadi.
- Maxfiy sxema — rasman “Afg‘oniston ko‘chish yo‘li” — hozirgacha 400 million funt sterlingga tushdi. Yana 450 million funt sterlinggacha mablag‘ sarflanishi kutilmoqda.
- Qoidabuzarlik Mudofaa vazirligining ismi oshkor etilmagan mansabdor shaxsi tomonidan adashib sodir etilgan.
Britaniya mudofaa vaziri Jon Xili ma’lumotlari oshkor bo‘lganlardan “samimiy uzr” so‘ragan.
Izoh (0)