Chexiyaning Brno shahridagi Elisabeth Pharmacon ixtisoslashtirilgan laboratoriyasi xodimlari koronavirusning yangi shtammini aniqladi. Bu haqda Chexiya televideniyesiga tayanib, “RBK” xabar berdi.
Foto: Global Look Press
Mutaxassislarning ta’kidlashicha, yangi mutatsiya koronavirusning “britancha” yoki Janubiy Afrika shtammidan xavfli emas. Hozirda yangi shtamm ustida tekshirishlar olib borilmoqda, deb xabar bergan olimlar.
Jahon sog‘liqni saqlash tashkiloti (JSST) ma’lumotlariga ko‘ra, Chexiyada pandemiya boshidan buyon 1,5 milliondan ortiq aholida koronavirus aniqlandi, ularning 25 874 nafari virus qurboniga aylandi.
Avvalroq Hindistonda koronavirusning ikki marta mutatsiyaga uchragan yangi shtammi aniqlandi.
Shuningdek, Finlyandiyada koronavirusning yangi mutatsiyasi aniqlandi. Janubiy Finlyandiya aniqlangan koronavirus namunasida SARS-CoV-2 virusining ilgari noma’lum variantiga duch kelgan.
Shuningdek, Norvegiyada koronavirusning В.1.525 nomli shtammi aniqlandi. Bu odatiy COVID-19’dan ancha xavfliroq bo‘lishi mumkin.
Bundan tashqari, Britaniyada koronavirusning “xavotirliroq” turi va Kaliforniyada koronavirusning butunlay yangi shtammi qayd etildi.
