Чехиянинг Брно шаҳридаги Elisabeth Pharmacon ихтисослаштирилган лабораторияси ходимлари коронавируснинг янги штаммини аниқлади. Бу ҳақда Чехия телевидениесига таяниб, «РБК» хабар берди.
Мутахассисларнинг таъкидлашича, янги мутация коронавируснинг «британча» ёки Жанубий Африка штаммидан хавфли эмас. Ҳозирда янги штамм устида текширишлар олиб борилмоқда, деб хабар берган олимлар.
Жаҳон соғлиқни сақлаш ташкилоти (ЖССТ) маълумотларига кўра, Чехияда пандемия бошидан буён 1,5 миллиондан ортиқ аҳолида коронавирус аниқланди, уларнинг 25 874 нафари вирус қурбонига айланди.
Аввалроқ Ҳиндистонда коронавируснинг икки марта мутацияга учраган янги штамми аниқланди.
Шунингдек, Финляндияда коронавируснинг янги мутацияси аниқланди. Жанубий Финляндия аниқланган коронавирус намунасида SARS-CoV-2 вирусининг илгари номаълум вариантига дуч келган.
Шунингдек, Норвегияда коронавируснинг В.1.525 номли штамми аниқланди. Бу одатий COVID-19’дан анча хавфлироқ бўлиши мумкин.
Бундан ташқари, Британияда коронавируснинг «хавотирлироқ» тури ва Калифорнияда коронавируснинг бутунлай янги штамми қайд этилди.
Изоҳ (0)