O‘zbekistonda bir necha oydan buyon qidiruvda bo‘lgan erkak Sankt-Peterburgda qo‘lga olindi.
“Fontanka.ru”ning Rossiya Ichki ishlar vazirligining Sankt-Peterburg va Leningrad viloyati bo‘yicha bosh boshqarmalariga tayanib xabar berishicha, 25 yoshli ushbu fuqaro 2020-yilning yozida bir necha shaxs bilan birga oziq-ovqat do‘koni egasiga tayoq va bitalar bilan hujum qilgan.
Hodisaning deyarli barcha ishtirokchilari zudlik bilan qo‘lga olingan. Faqat 25 yoshli U.T. Rossiyaga qochib ketishga ulgurgan. Peterburgda u qurilishlarda montaj ishlarini bajarib, kun ko‘rgan.
U.T. Sankt-Peterburg janubidagi xonadonlarning birida ijarada yashagan va shu yerda 17-mart kuni “Granit” maxsus tezkor otryadi tomonidan qo‘lga olingan.
Qo‘lga olingan fuqaro hududiy politsiya bo‘limiga keltirilgan. Ayni paytda uni O‘zbekistonga ekstraditsiya qilish masalasi ko‘rib chiqilmoqda.
Avvalroq Sankt-Peterburgda 29 yoshli o‘zbekistonlik ayol o‘ldirib ketilgani, qotillikda 22 yoshli o‘zbekistonlik yigit gumonlanib, qo‘lga olingani haqida xabar berilgan edi.
Izoh (0)