Футбол бўйича Европа Чемпионлар Лигасининг 1/8 финал жавоб баҳсидан ўрин олган икки ўйин 17 март, чоршанба куни бўлиб ўтди.
«Челси» ўз майдонида «Атлетико М»ни қабул қилди. Тенг курашлар остида ўтган биринчи 45-дақиқалик «Челси» фойдасига ҳал бўлди. 34-дақиқада Ҳаким Зиёш Тимо Вернернинг чап қанотдан жарима майдончасига оширган тўпини дарвозага жойлаб қўйди.
Иккинчи бўлимнинг қўшиб берилган дақиқаларида Эмерсон ўз номига гол ёздириб қўйиб, ўйинга якуний нуқтани қўйди. Шу тариқа «Челси» икки ўйин натижасига кўра 3:0 ҳисобида ғалаба қозониб, кейинги босқич йўлланмасини нақд қилди.
«Бавария» Мюнхенда «Лацио»ни меҳмон қилиб, римликлар устидан 2:1 ҳисобидаги ғалабани тантана қилди. 33-дақиқада Роберт Левандовски 11 метрлик пенальти зарбасини муваффақиятли амалга ошириб, мезбонларни ҳисобда олдинга олиб чиққан бўлса, 73-дақиқада эса Эрик Шупо-Мотинг орадаги фарқни оширди. Ушбу голларга «Лацио» 82-дақиқада Марко Парольонинг голи билан жавоб қайтарди.
Чемпионлар Лигасининг чорак финал босқичига қуйидаги жамоалар йўлланмани қўлга киритди: ПСЖ, «Ливерпуль», «Боруссия Д», «Порту», «Реал», «Манчестер Сити», «Челси» ва «Бавария».
Чемпионлар Лигаси
1/8 финал, жавоб баҳслари17 март, чоршанба
«Челси» Англия — «Атлетико М» Испания 2:0
Голлар: 1:0 – 34 Зиёш, 2:0 – 90+4 Эмерсон.«Челси»: Менди, Жеймс, Рюдигер, Зума, Алонсо, Зиёш (Пулишич, 77), Ковачич, Ҳаверц, Канте, Аспиликуэта, Вернер (Ҳадсон-Одои, 83).
«Атлетико»: Облак, Триппьер (Лемар, 69), Савич, Хименес, Лоди (Эрмосо, 46), Коке, Сауль, Льоренте, Карраско (Дембеле, 53), Жоау Феликс, Суарес (Корреа, 59).
Огоҳлантиришлар: Ҳаверц (30), Лоди (31), Сауль (51), Хименес (60), Коке (72).
Четлатиш: Савич (81).
Биринчи ўйин — 1:0
«Бавария» Германия — «Лацио» Италия 2:1
Голлар: 1:0 – 33, пенальти Левандовски, 2:0 – 73 Шупо-Мотинг, 2:1 – 82 Парольо.«Бавария»: Нюбел, Павар, Боатенг (Зюле, 46), Люка Эрнандес, Алаба, Гнабри, Киммих (Хави Мартинес, 77), Сане, Горетцка (Дэвис, 64), Мюллер (Мусиала, 71), Левандовски (Шупо-Мотинг, 71).
«Лацио»: Рейна, Лассари (Парольо, 57), Раду, Ачерби, Марушич, Луис Альберто (Каталди, 75), Эскаланте (Акпа-Акпро, 84), Милинкович-Савич, Фарес (Лулич, 46), Корреа, Мурики (Перейра, 56).
Огоҳлантиришлар: Раду (26), Ачерби (31), Милинкович-Савич (39), Горетцка (48), Корреа (70).
Биринчи ўйин — 4:1.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)