Bugun,

  • USD 11095.31
  • RUB 173.84
  • EUR 10772.44

Rossiya tashqi ishlar vaziri Sergey Lavrov koronavirusga qarshi “Sputnik V” vaksinasi O‘zbekistonda tezlashtirilgan tartibda ro‘yxatga olinganini aytdi. Bu haqda “RIA Novosti” xabar berdi.

Foto: “RIA Novosti”

Foto: “RIA Novosti”

“Shu kunlarda O‘zbekiston aholisini ommaviy emlash boshlanadi. ‘Sputnik V’ vaksinasini O‘zbekistonda ishlab chiqarish masalasi ko‘rib chiqilmoqda, ushbu vaksina O‘zbekistonda tezlashtirilgan tartibda ro‘yxatga olingan. Biz bu boradagi hamkorlikni juda qadrlaymiz”, — degan u O‘zbekiston TIV rahbari Abdulaziz Komilov bilan uchrashuvdan so‘ng o‘tkazilgan matbuot anjumanida.

Lekin Farmatsevtika agentligining “Gazeta.uz”ga ma’lum qilishicha, “Sputnik V” vaksinasi faqat sertifikatsiyadan o‘tgan. Sertifikatsiya qilish jarayoni har bir olib kiriladigan partiya uchun amalga oshiriladi.

Eslatib o‘tamiz, O‘zbekistonda “Sputnik V” vaksinasini ommaviy qo‘llash jarayoniga 17-fevral kuni ruxsat berilgan edi.

O‘zbekistonda koronavirusga qarshi ilk vaksina sifatida Xitoyning Zhifei Longcom Biopharmaceutical Co. Ltd kompaniyasi bilan hamkorlikda ishlab chiqarilgan vaksina 1-mart kuni davlat ro‘yxatidan o‘tkazilgan. O‘zbekistonning hissasi va sa’y-harakatlarini inobatga olib, kompaniya ZF 2001 vaksinani birga yaratgan hammuallif mamlakat sifatida belgiladi. Ushbu yangi vaksina ZF-UZ-VAC 2001 nomi bilan ishlab chiqarish foydalanishga kelishilgan.

Xitoy kompaniyasi mazkur vaksinani hamkorlikda ishlab chiqarish uchun O‘zbekistonda faoliyat yuritayotgan bir qator farmatsevtika korxonalari faoliyatini o‘rganib, laboratoriya hamda texnik va ishlab chiqarish quvvatlarini inobatga olib, Jurabek Laboratories MChJ qo‘shma korxonasini tanlagan.

Izoh
Asosiy yangiliklar
Dunyo
“Ukrainadagi urushni Rossiya boshlamagan” — Putin (video)
Mahalliy
O‘zbekistonda davlat tashkilotlari mashinalariga gaz quyish vaqtincha taqiqlandi
Mahalliy
Toshkentda Cobalt yo‘ldan o‘tayotgan ona-bolani urib yubordi (video)