“Ovchilar” serialidagi roli uchun “Dramatik teleserialdagi eng yaxshi erkak roli” yo‘nalishida “Oltin globus” mukofotiga nomzodlik qilgan Al Pachino onlayn taqdirlash marosimida uxlab qoldi, deb yozadi Esquire.
80 yoshli Al Pachino besh marotaba “Oltin globus” mukofotini qo‘lga kiritgan va 13 marotaba unga da’vogarlik qilgan. Shuningdek, u “Oskar”, “Oltin sher”, “Emmi” (ikkita) va boshqa qator mukofotlarga ham loyiq ko‘rilgan. Bir so‘z bilan aytganda, taqdirlash marosimi aktyor uchun odatiy holga aylangan.
Marosim Zoom orqali o‘tkazilgani sabab Al Pachino o‘zini erkin tutgan va mizg‘iy boshlagan ko‘rinadi. Biroq u kerakli vaqtda uyg‘ongan, ammo aktyor uxlashni davom ettirsa ham bo‘laverar edi — mukofot unga emas, balki “Saltanat” serialidagi Josh O’Konnorga nasib etgan.
https://twitter.com/slytherinus/status/1366216597212459011
Twitter foydalanuvchilari bu borada hazil qilishga ham ulgurgan: “Pandemiyaning ikkinchi yili bo‘lgani sabab barchamiz — Al Pachinomiz”.
Avvalroq Los Angeles Times’da “Oltin globus” mukofotini topshiruvchi Gollivud xorijiy matbuot assotsiatsiyasining (HFPA) moliyaviy sxemalariga oid maqola e’lon qilingandi.We’re all Al Pacino in year two of zoom quarantine hell pic.twitter.com/T8YwZbu3CP
— @jason (@Jason) March 1, 2021
Izoh (0)