28-fevral kuni Humo Arena muz saroyida “Zakovat” teleo‘yinining Toshkent shahri va Toshkent viloyati uchun intellektual kastingi o‘tkazildi.
Tadbirda “Zakovat”da ishtirok etish uchun ro‘yxatdan o‘tgan 7 mingga yaqin bilimdonlar va loyiha homiysi Milliy mass-mediani rivojlantirish jamoat fondi raisi Komil Allamjonov va uning o‘rinbosari Saida Mirziyoyeva ishtirok etdi.
Kastingning ochilish marosimini Milliy mass-mediani rivojlantirish jamoat fondi raisi Komil Allamjonov ochib berdi.
Biz ilm-fan sohasida katta yutuqlarga erishgan davrlar ham bo‘lgan.Birinchi televizion signal 1928-yili dunyoda ilk bor bizda sinovdan o‘tkazilgan. Sun’iy yo‘ldoshlarga o‘rnatiladigan qora quti ham, Oy hamda Veneraga uchirilgan kosmik kemalarning tuproqni burg‘ulash moslamalari ham Toshkentda ishlab chiqarilgan.
Dunyoning 86-kosmonavti Jonibekov ham bugungi Bo‘stonliq tumani Iskandar qishlog‘ining oddiy oilasida tug‘ilgan. U 5 marotaba kosmik kema komandiri sifatida uchib, rekord o‘rnatgan.
Bu kabi voqealar o‘z vaqtida umumjahon miqyosidagi yutuqlarimiz bo‘lgan. Aytmoqchi bo‘lgan gapim shuki, bugun oldingizda imkoniyat eshiklari yana lang ochildi! Ulardan samarali foydalanaylik.
Aslida bugun shundoq ham kechga qolib bo‘ldik, ertaga esa yanada kech bo‘ladi. Vaqt bizga qarshi ishlayapti. Lekin hechdan ko‘ra kech bo‘lsa ham zudlik bilan oldinga qadam qo‘yaylik.
Men klubimizning har bir a’zosini olamga keng qarashga, ulkan maqsadlar qo‘yib, ular sari intilishga, o‘z ustida ishlashga, orzularini cheklamaslikka, hech qachon taslim bo‘lmaslikka va ilm yo‘lidagi shahdingizni so‘ndirmoqchi bo‘lgan hech kimga quloq solmaslikka chaqiraman!
Har birimiz maydonda yakka-yolg‘iz qolgandan ko‘ra, bilim atrofida jipslashsak, birga bo‘lsak, katta natijalarga erishamiz!
Komil Allamjonov, Milliy mass-mediani rivojlantirish jamoat fondi raisi
Milliy mass-mediani rivojlantirish jamoat fondi raisi o‘rinbosari Saida Mirziyoyeva ham tadbirda nutq so‘zladi. Kutilmaganda Qur’oni Karimdan iqtibos keltirib boshlangan satrlar yig‘ilganlar uchun kutilmagan holga aylandi.
“Bismillahir rohmanir rohimShuningdek, Saida Mirziyoyeva klubga a’zo bo‘lgan xotin-qizlarni tabrikladi, ularni faol bo‘lishga chaqirdi: “Xotin-qizlarimiz qanchalik faol, ilm-fan, madaniyat va tadbirkorlikka, siyosiy jarayonlarga qancha ko‘p hissa qo‘shadigan bo‘lsa, yurtimizda baxtli va hayotidan mamnun ayollar shuncha ko‘p bo‘ladi. Aminmanki, xonadonida namunali beka, pazanda opa-singillarimiz o‘zlarini ilm maydonida ham bemalol namoyon qila oladilar”, — deydi Mirziyoyeva.“يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ ”
Ya’ni “Alloh sizlardan imon keltirgan va ilm ato etilgan zotlarni (baland) daraja (martaba)larga ko‘tarur…” – Mujodala surasi, 11-oyat.
Assalomu alaykum, bilimdonlar!
Har bir insonning hayotda maqsadi bo‘ladi. Biz bu yerga yagona va ulkan maqsad – mamlakatimizni jahon intellektual maydonida yuqori darajaga chiqarish uchun yig‘ildik.
Bugun ushbu tadbirga turli yosh, turli mavqedagi, dunyoqarashi va xarakteri har xil bo‘lgan talabalar, ishchi, xizmatchi, pensionerlar to‘plangan. To‘g‘ri, biz bir-birimizga o‘xshamaymiz. Lekin hammamizni birlashtirib turgan maqsad bor – ilm! Biz esa bugun ochayotganimiz – “Ilm” deb ataluvchi bir kitobning sahifalarimiz.
Hayot — bu universitet. Uni samarali va yaxshi natijalar bilan yakunlash juda muhim. Ta’lim olish, imtihon topshirish, olingan bilimlarni qo‘llash va munosib baholanish… Qanday baho olishimiz faqat o‘zimizga bog‘liq.
Saida Mirziyoyeva, Milliy mass-mediani rivojlantirish jamoat fondi raisi o‘rinbosari
“Zakovat” musobaqalariga 1 milliard 690 million so‘m ajratilgan. Toshkent shahri va viloyati o‘yinlari uchun ajratilgan yutuq fondi esa 130 million so‘m. Ajratilgan mablag‘ breyn-ring tanlovlari tashkil etilib, unda g‘olib bo‘lgan jamoalarga taqdim etiladi.
Ochilish marosimidan so‘ng intellektual kastingda ishtirokchilarga jami 40 ta savol berildi. Ularning 30 tasi faktga asoslangan savollar bo‘lsa, qolgan 10 tasi mantiqiy savollardan iborat bo‘ldi. Faktga asoslangan savollarni o‘ylash uchun 20 soniya, mantiqiy savollarga esa 1 daqiqa vaqt berildi. Har bir ishtirokchi o‘ziga berilgan maxsus titul varag‘iga javoblarni yozishi talab etilgan edi. Kasting natijalari 2 kun ichida ma’lum qilinadi. Ishtirokchilar o‘z natijasini www.zakovat.tv sayti orqali aniqlab olishi mumkin bo‘ladi.
Kastingdan keyin ishtirokchilar reytingi tuziladi. Uning asosida ishtirokchilar 6 kishilik jamoalarga taqsimlab chiqiladi. Taqsimlash reytingdagi ketma-ketlikka asoslangan holda amalga oshiriladi. Masalan, 1-o‘rindan 6-o‘ringacha bo‘lgan ishtirokchilar bitta jamoa, 7-12-o‘rinlardagi a’zolar keyingi jamoaga birlashtiriladi. Yakka tartibda ro‘yxatdan o‘tganlar reytingdagi o‘rnidan qat’i nazar, o‘zaro kelishgan holda o‘z tashabbusi bilan bir jamoaga birlasha olmaydi. Kastingdan asosiy maqsad a’zolarni o‘tdi yoki o‘ta olmadi, deb saralash emas, balki shunchaki ularning birlamchi bilim darajalarini aniqlab olish bo‘ladi. Bu kelgusida ularni turli ligalarda va turnirlarda ishtirok etishi uchun ham muhim ahamiyatga ega.
Boshqacha aytganda, kastingdan so‘ng qoniqarsiz natija qayd etgani uchun hech kim klub a’zoligidan chiqarib yuborilmaydi yoki turnirda qatnashish huquqini yo‘qotmaydi. Ammo yuqori natija qayd etganlarga kelgusi turnirlarda ko‘proq imkoniyat berilishi mumkin.
Izoh (0)