Boks bo‘yicha ayollar o‘rtasidagi Osiyo chempionati g‘olibi, ko‘p karra O‘zbekiston chempioni Go‘zal Ismatova 25 yoshida vafot etdi. Bu haqda O‘zbekiston boks federatsiyasi matbuot xizmati ma’lum qildi.

Foto: O‘zA

Ma’lum bo‘lishicha, Ismatova saraton xastaligi tufayli olamdan ko‘z yumgan.

Go‘zal Ismatova — 1996-yil 3-yanvarida Jizzax viloyatining Zomin tumanida tug‘ilgan. Og‘ir vazn (+81 kg) toifasida ringga chiqqan sportchi 2014—2017-yillar davomida O‘zbekiston chempionligini qo‘lga kiritgan. Shuningdek, u 2017-yilgi Osiyo chempionati g‘olibi hisoblanadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!