Zarafshonda “Gazel” yuk mashinasiga to‘qnashgan Matiz haydovchisi kasalxonada vafot etdi

Navoiy viloyatining Zarafshon shahrida “Gazel” yuk mashinasiga to‘qnashgan Matiz’ning 42 yoshli haydovchisi kasalxonada vafot etdi. Bu haqda viloyat hokimligi matbuot xizmati xabar berdi.

Ma’lum bo‘lishicha, 2-fevral kuni soat 07:30 larda 1996-yilda tug‘ilgan, Buxoro viloyatida yashovchi M.I. boshqaruvida bo‘lgan “GAZ 330202-244” (Gazel) rusumli avtomashinani Zarafshon shahri hududidan o‘tuvchi A-379 avtomobil yo‘lining 203-kilometrida Zarafshon—Uchquduq yo‘nalishi bo‘ylab boshqarib borayotgan bo‘lgan.

Old tomonidagi avtomashinani quvib o‘tgan vaqtida qarama-qarshi tomonidan harakatlanib kelayotgan 1979-yilda tug‘ilgan, Zarafshon shahrida yashovchi N.I. boshqaruvida bo‘lgan Matiz rusumli avtomashina bilan to‘qnashgan.

Oqibatda Matiz haydovchisi N.I. og‘ir tan jarohati olib, ko‘rsatilgan tibbiy muolajalarga qaramasdan, shifoxonaning jonlantirish bo‘limida vafot etgan.