“Barselona” 8 ta gol urilgan o‘yinda iroda namoyish etib, Ispaniya Kubogi yarim finaliga chiqdi
Futbol bo‘yicha Ispaniya Kubogi 1/4 finali doirasida 3-fevral, chorshanba kuni ikki uchrashuv bo‘lib o‘tdi.
Jumladan, “Barselona” safarda “Granada”ga qarshi maydonga tushdi. O‘yinning 33 hamda 47-daqiqalarida “Granada” Kenedi hamda Roberto Soldadoning gollari evaziga hisobda ustunlikni namoyishga etgan bo‘lsa, kataloniyaliklar 88 hamda 90-daqiqalarda Antuan Grizmann va Xordi Albaning gollari evaziga muvozanatni tikladi. Qo‘shimcha bo‘limlarda “Barselona” safida Grizmann va Alba yana bir o‘z nomini tabloga yozdirdi, Frenki de Yong ham maydonni golsiz tark etmadi. “Granada”ning qo‘shimcha bo‘limlardagi yagona goliga 103-daqiqada penaltini aniq amalga oshirgan Viko mualliflik qildi.
Shu tariqa “Barselona” 8 ta gol urilgan o‘yinda iroda namoyish etib, Ispaniya Kubogi yarim finaliga yo‘l oldi.
1/4 finalning yana bir bellashuvi “Levante” hamda “Vilyarreal” o‘rtasida kechdi. O‘yin taqdirini 120-daqiqada Roxer Marti tomonidan kiritilgan yagona gol hal etdi. Natijada “Levante” Ispaniya Kubogi yarim finaliga yo‘llanmani o‘ziniki qildi.
Ispaniya Kubogi
1/4 final bahslari
3-fevral, chorshanba
“Granada” – “Barselona” 3:5
Gollar: 1:0 – 33 Kenedi, 2:0 – 47 Soldado, 2:1 – 88 Grizmann, 2:2 – 90 Alba, 2:3 – 100 Grizmann, 3:3 – 103, penalti Viko, 3:4 – 108 de Yong, 3:5 – 113 Alba.
“Granada” – Eskandel, Duarte, Dias (Fulke, 46), Neva, Xerman Sanches, Montoro, Soro (Viko, 58), Puertas (Valyexo, 80), Eteki (Peres, 105), Kenedi (Machis, 46), Soldado (Suares, 66).
“Barselona” – ter Stegen, Arauxo, Alba, Umtiti (Breytueyt, 64), Serxi Roberto (Dest, 57), Buskets (Puch, 76), de Yong, Pedri (Langle, 105), Trinkau (Dembele, 63), Grizmann, Messi.
Ogohlantirishlar: Messi (25), Eteki (29), Xerman Sanches (77), Montoro (90), Soldado (90), Alba (103), Valyexo (119).
“Levante” – “Vilyarreal” 1:0
Gol: 1:0 – 120 Roxer Marti.
“Levante” – Kardenas, Tono (Klerk, 76), Postigo, Vezu, Koke (Miramon, 66), Rochina (Morales, 55), Radoya, Bardi, Malsa (Roxer Marti, 66), Son (Melero, 55), Dani Gomes (Leon, 105).
“Vilyarreal” – Ruli, Pedrasa, Foyt, Albiol, Penya (Estupinyan, 66), Moyses Gomes (Aleks Baena, 51), Koklen (Fer Nino, 90), Trigeros, Parexo, Pau Torres, Pako Alkaser (Bakka, 87).
Ogohlantirishlar: Bardi (25), Albiol (37), Rochina (42), Trigeros (57), Postigo (88), Parexo (103), Melero (111), Aleks Baena (113).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
