Bugun,

  • USD 11095.31
  • RUB 173.84
  • EUR 10772.44

Toshkent shahridagi 10 ta ko‘chada avtobus, yo‘nalishli taksi, tez tibbiy yordam, o‘t o‘chiruvchi mashinalar harakati uchun alohida ajratilgan yo‘laklar tashkil etish rejalashtirilmoqda.

Foto: “Daryo”

Foto: “Daryo”

Poytaxt hokimligi matbuot xizmati xabariga ko‘ra, bu tirbandliklarni bartaraf etish hamda yo‘lovchilarni o‘z vaqtida tashishga, shuningdek, favquloddagi xizmat mashinalari (tez tibbiy yordam va o‘t o‘chirish transport vositalarining) ishlarini tezkorlik bilan bajarishiga yordam beradi.

Alohida ajratilgan yo‘laklar tashkil etish rejalashtirilayotgan ko‘chalar quyidagilar:

1. Bobur ko‘chasi (Xalqaro aeroport bekatidan Seul ko‘chasi kesishmasi)

2. Furqat ko‘chasi (Seul ko‘chasidan Islom Karimov ko‘chasi kesishmasi)

3. Kichik halqa aylanma yo‘li (Shota Rustaveli ko‘chasidan Farhod ko‘chasi kesishmasi)

4. Farhod ko‘chasi (Kichik halqa aylanma yo‘lidan Lutfiy ko‘chasi kesishmasi)

5. Lutfiy ko‘chasi (Farhod ko‘chasidan Muqimiy ko‘chasi kesishmasi)

6. Muqimiy ko‘chasi (Lutfiy ko‘chasidan Shota Rustaveli ko‘chasi kesishmasi)

7. Farg‘ona yo‘li ko‘chasi (Qo‘shko‘prik ko‘chasidan Qo‘yliq ota ko‘chasi kesishmasi)

8. Istiqbol ko‘chasi (Nukus ko‘chasidan Shahrisabz ko‘chasi kesishmasi)

9. Ahmad Donish ko‘chasi (Toshkent halqa aylanma yo‘lidan Nurafshon ko‘chasi kesishmasi)

10. Sebzor ko‘chasi (Nurafshon ko‘chasidan Abdulla Qodiriy ko‘chasi kesishmasi)ga qadar.

Xabarda aytilishicha, alohida ajratilgan yo‘laklar paydo bo‘lganidan so‘ng oyning birinchi o‘n kunligida yo‘l harakati xavfsizligi xizmati xodimlari jarimalar qo‘llamasdan, haydovchilar bilan profilaktik suhbatlar o‘tkazishlari lozim bo‘ladi.

Alohida ajratilgan yo‘laklarda shaxsiy avtoulovni boshqarish taqiqlanishi alohida ta’kidlangan.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi