Davlat rahbari Buxoro shahrining “Nizomiy” mahallasida qurilgan zamonaviy uylarni borib ko‘rdi, deya xabar qilmoqda Prezident matbuot xizmati.

Foto: “Daryo” / Madina Nurman

Ta’kidlanishicha, ilgari bu hududda pana-pastqam, kanalizatsiyasi yo‘q uylar bo‘lib, shahar ko‘rkini buzib turgan. 2020-yili bu yerda 7 qavatli zamonaviy uylar, savdo va xizmat ko‘rsatish shoxobchalari barpo etildi.

Shavkat Mirziyoyev mehnat faxriysi Ne’mat ota Xotamov xonadoniga kirdi. Dasturxon atrofida dildan suhbat bo‘ldi.

Foto: Prezident matbuot xizmati

Bu oila oldin shu mahalladagi eski uyda istiqomat qilar edi. Endi barcha ushbu zamonaviy mavzeda yashayotganidan rozi.

Prezident xalq mana shunday zamonaviy sharoitlarda yashashga munosib ekanini ta’kidladi.

Foto: “Daryo” / Madina Nurman

Shu yerda Buxoro viloyatida avtomobil yo‘llari qurish va ta’mirlash, Buxoro shahrida oqova suv inshootlari qurish, eski ko‘p qavatli uylar qiyofasini yangilash rejalari haqida axborot berildi.

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Shundan so‘ng Shavkat Mirziyoyev Toshkentga jo‘nab ketdi.

Foto: Prezident matbuot xizmati

Eslatib o‘tamiz, Shavkat Mirziyoyev hududlar rivoji, aholi hayoti bilan yaqindan tanishish maqsadida 21-yanvarda Buxoro viloyatiga tashrif buyurgandi. Tashrif davomida Prezident to‘rtta tuman faollari bilan uchrashdi, “Buxoro Varnet” agrosanoat majmuasini borib ko‘rdi,  Bukhara Cotton Textile korxonasi faoliyati bilan tanishdi.

Bundan tashqari, Prezident IT-Park’ni borib ko‘rdi va yoshlar bilan suhbatlashdi. Shundan so‘ng Bahouddin Naqshband maqbarasini ziyorat qildi.