“Yuventus” Ronaldu va Morataning gollari evaziga “Napoli” yengib, Italiya Superkubogiga ega chiqdi
Futbol bo‘yicha Italiya Superkubogi uchun kechgan bahsda “Yuventus” va “Napoli” jamoalari 20-yanvar, chorshanba kuni o‘zaro to‘qnash keldi.
Uchrashuvda hisob 64-daqiqaga kelib ochildi, Krishtianu Ronaldu yaqin masofadan neapolliklar darvozasini ishg‘ol qildi. 80-daqiqada “Napoli” hisobni tenglashtirishi mumkin edi, biroq Lorenso Insinye penaltidan unumli foydalana olmadi.
Uchrashuv yakunlanishi arafasida Alvaro Morata turinliklarning ikkinchi golini urdi.
Shu tariqa “Yuventus” o‘z tarixida 9-marta Italiya Superkubogiga ega chiqdi. Shuningdek, bu “Yuve” ustozi Andrea Pirlo uchun ilk sovrin bo‘ldi.
Italiya Superkubogi
20-yanvar, chorshanba
“Yuventus” — “Napoli” 2:0
Gollar: 1:0 – 64 Ronaldu, 2:0 – 90+5 Morata.“Yuventus”: Shensni, Kyellini, Bonuchchi, Danilo, Kuadrado, Artur, Bentankur (Rabyo, 84), Kulusevski (Morata, 84), Makkenni, Kyeza (Bernardeski, 46), Ronaldu.
“Napoli”: Ospina, Mariu Ruy (Politano, 84), Kulibali, Manolas, Di Lorenso, Zelinski, Bakayoko (Elmaz, 67), Losano, Demme (Lyorente, 84), Insinye, Petanya (Mertens, 72).
Ogohlantirishlar: Ronaldu (74), Zelinski (89).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
