Simptomsiz o‘tkazilgan koronavirusdan darak beruvchi belgilar ma’lum qilindi

Buyuk Britaniyaning Push Doctor onlayn maslahat platformasi bosh tibbiy mutaxassisi Den Banston koronavirus bilan kasallanib o‘tganlikni qanday belgilarga qarab bilish mumkinligi haqida gapirib berdi, deb yozadi “RIA Novosti”.

Ta’kidlanishicha, COVID-19 odamga yuqqanidan keyin o‘zining hech qanday belgilarini namoyon qilmasa ham, u ko‘pincha organizmda uzoq muddatli oqibatlarni keltirib chiqaradi, shu jumladan, kasallikni simptomsiz o‘tkazganlarda ham. Shifokorning so‘zlariga ko‘ra, agar odam uch oy mobaynida o‘zini obyektiv sabablarsiz behol his qilsa, bu boshdan o‘tkazilgan kasallikni bildirishi mumkin.

“Ehtimoliy simptomlar juda keng ko‘lamga ega va har bitta odamda bir xil namoyon bo‘lishi amri mahol, lekin odatda holsizlik va charchoqni, bosh og‘rig‘i va mushaklardagi yoki bo‘g‘imlardagi og‘riqlarni o‘z ichiga oladi”, — dedi Banston.

Uning eslatishicha, bu holda odam antitanalarga test topshirib, COVID-19’ga chalinib o‘tganiga ishonch hosil qilishi kerak. Shu bilan birga, u lohaslikka sabab bo‘lishi mumkin bo‘lgan boshqa kasalliklar haqida unutmaslikni maslahat berdi.