Buyuk Britaniyaning Goal portali ommabop ijtimoiy tarmoqlarda eng ko‘p obunachiga ega futbolchilar reytingini e’lon qildi.
Unga ko‘ra futbolchilarning Facebook, Twitter va Instagram’dagi obunachilari soni hisoblab chiqildi. Bunda “Yuventus” hujumchisi Krishtianu Ronaldu sezilarli tafovut bilan raqiblarini ortda qoldirib, birinchi o‘rinni oldi. Portugaliya futbolchi uchta tarmoqda umumiy miqdorda 465 million obunachiga ega.
Keyingi o‘rindan “Barselona” sardori Lionel Messi joy olgan. Twitter’dan foydalanmaydigan argentinalik futbolchida 265 million obunachi bor. PSJ hujumchisi Neymar esa (254 mln) kuchli uchlikka yakun yasagan.
Ijtimoiy tarmoqlarda eng ko‘p obunachiga ega futbolchilar:
- Krishtianu Ronaldu — 465 million obunachi
- Lionel Messi — 265 mln
- Neymar — 254 mln
- Xames Rodriges — 96 mln
- Garet Beyl — 88
- Serxio Ramos — 83
- Zlatan Ibragimovich — 79
- Mesut O‘zil — 78 mln
- Marselo — 77 mln
- Luis Suares — 73 mln
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)